Yohana 1:16 - Maləmce Məfele mala Ɓakuli: Kurcau Məbəshe

¹⁶ Aɓa ɓwamuru andǝ mǝnbu male sǝ tsǝka sǝm bu kat, kǝ pa sǝm agir mǝɓoarne a nzǝmarǝia.

Yohana 1:16 ပူးပေါင်းရင်းမြစ်များ

Matiu 13:12

Aɓwana mana à kǝ kwaki kiria arǝ kanigir mem ngga à nǝ̀ pea wia ɓe sǝlǝ amur mǝnana à ndanǝi ka, sǝ à nǝ̀ kum surǝgir kpǝm. Sǝ aɓwana mana à kǝ kwaki kiria raka, kǝ mǝnana à ndanǝi ka à nǝ̀ é a rǝia.

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 3:14

Sǝ Yohana ka ɓariki ama nǝ̀ ɓinǝi wi. Ne wi ama, “Mim ɓwan mǝ nǝ ká abano ace batisǝma ka a nyare a yiu a banam mǝ pakko batisǝma!”

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Amǝ Roma 5:17

Cauɓikea mala ɓwa mwashat, yì Adamu, tsǝa lú do amur aɓwana kat. Sǝ gir mǝnana kar mur mǝno ka nda, kum ɓwamuru mǝgule mala Ɓakuli andǝ pa ɓoro mala duk aɓwana amǝ'cauɓoarna nǝ bu ɓwa mwashat, yì Yesu Kǝrǝsti. Sǝ aɓwana mǝnana kat à kum mǝnia yì ɓwamuru andǝ ɓoro ka, à nǝ̀ duk amurǝma aɓa do malea nǝ bu Yesu Kǝrǝsti.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.

Amǝ Roma 8:9

Sǝ wun ngga, nggūrǝu mala cauɓikea na ginggi nǝ wun ngga ɗang, Bangŋo na, ɓǝ̀ Bangŋo mala Ɓakuli na dukiyi a ɓabum wun ngga. Ɓwa mǝnana pànǝ Bangŋo mala Kǝrǝsti a ɓabumi raka, ɓwe ka màlà Kǝrǝsti na ɗang.

Amǝ Afisu 1:23

Kǝrǝsti ka nda Múr ikǝlisiya, sǝ ikǝlisiya, yia amǝkpata Kǝrǝsti ka, à ndaka nggūrǝì mǝnana à lumsǝ nǝ Kǝrǝsti ka, sǝ yì nǝ nggearǝì ka akiban lumsǝ ko man kat ka, a ko ya njari.

Amǝ Afisu 3:19

Ən nggǝ zǝmbǝa ama ɓǝ̀ wu surǝ earcearǝu mala Kǝrǝsti, mǝnana gul kǝrkǝr, à pà nǝ̀ gandǝ bwalte kat raka, ace mǝnana ɓǝ̀ wu kum lumsǝo pepe nǝ pa mala Ɓakuli arǝ anjari kat.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

Amǝ Kolosi 2:3

Aɓa Kǝrǝsti sǝ gǝna mala sǝlǝe andǝ surǝe mala Ɓakuli kat sǝmbǝrǝa.

1 Bitǝrus 1:11

À alte à nǝ̀ surǝ pwari mǝnana Bangŋo mala Kǝrǝsti mana aɓalǝia nakiyicau amuri ka. Bangŋo mala Kǝrǝsti ak dǝmbǝa lǝmndǝia wia, atanni mǝnana Kǝrǝsti nǝ̀ yia nu sǝ nǝ̀ kutia ɓoarɓwa male ka, sǝ lang sǝ mǝnia yì gir ka nǝ̀ yia pǎ.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.