Yohana 1:14 - Maləmce Məfele mala Ɓakuli: Kurcau Məbəshe

¹⁴ Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:14 ပူးပေါင်းရင်းမြစ်များ

Matiu 1:16

Sǝ Yakupu yi ɓǝl Yisǝfu, bura Maryamu. Maryamu na yi ɓǝl Yesu, mana à tunǝki ama Kǝrǝsti ka.

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Luka 2:7

Pǝlǝa gbashi muna dǝmbǝa male, muna-ɓwabura. Mbúɓɓǝkì aɓa nggurbyau sǝ nongsǝi aɓa kpamgbang-girlina mala agirkusǝu, acemǝnana à pànǝ ban nongŋo aɓa nda a ban-sulǝo ɗang.

Luka 9:32

Sǝ Bitǝrus andǝ aɓi ka à kongŋa malea a nggea ntulo. Lang mǝsǝia nǝ̀ sa ka, à sǝn ɓoarɓwa mala Yesu andǝ aɓwana mǝnia ɓari aban came andǝi ka.

Yohana 1:1

Kaniama Ɓakuli nǝ̀ pusǝ ɓanza ka, Cau ni na kam, sǝ mǝno yì Cau ka à nda tàrǝia andǝ Ɓakuli; sǝ yì, yì Cau ka Ɓakuli na.

Yohana 11:40

Yesu banggi wi ama, “Ən no nǝma ɓǝ̀ a earnǝ mim ngga a nǝ sǝn gulo mala Ɓakuli re?”

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 14:9

Yesu ne wi ama: Filip, ǝn sauwuna nǝ do ata wun, sǝ ba ado ka a malaká surǝam ɗang? Ɓwa mǝnana sǝnǝnam ngga sǝnǝna Tárram. Sǝ palang sǝ a kǝ na ama mǝ lǝmndǝa wun rǝì?

Yohana 17:22

Ən pania wia gulo mǝnana a pam ngga, acemǝnana ɓǝa duk mwashat, kǝla mǝnana mim sǝnǝ we sǝm nda mwashat ka.

Yohana 17:24

Dâ! Ən nggǝ earce nǝma aɓwana mǝnana a pamia ka, ɓǝa do atam aban mǝnana mǝ nda kam ngga; sǝ ɓǝa sǝn gulo mem mǝnana a pam, acemǝnana a kǝ earcem sǝ a yi pusǝ ɓanza ka.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Yohana 3:18

“Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Yohana 8:32

Sǝ wu nǝ̀ surǝ mǝsǝcau, sǝ mǝsǝcau ka nǝ̀ panzǝki wun.”

Amǝ Mishan 13:33

Sǝ ado ka, Ɓakuli lumsǝna sǝmi, sǝm mǝnana sǝm ndaka amǝkea ka, yi mana loasǝ Yesu a ɓembe ka. Mǝnia ka nda cau mana à bangŋa amur Yesu aɓa ɓaria kure mala Anggyal ama: “We ka, a nda Munem; yalung ngga ǝn dumǝna Tarró.”

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Roma 9:5

A Ibǝrayim, andǝ Yakupu, andǝ Ishaku ka à ndaka keà mǝnana nǝ bania sǝ tau ɓǝlban aɓa nggūrǝu mala Kǝrǝsti pur ka. Ɓwangsǝban mǝnana málá male pà kàm raka ɓǝa pè Ɓakuli mǝnana nda amur aɓwana kat ka! Amin.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

2 Amǝ Korinti 12:9

Sǝ koya zǝmbǝa ka, kǝ earam ama, “Ɓwamuru mem nda kǝgir mǝnana à kǝ earce ka. Rǝcandǝa mem kǝ pak turo pepe aɓa rǝwukya.” Ace mani ka, ban kǝ ɓoaram, mǝ nǝ nggori nǝ rǝwukya mem ace mǝnana ɓǝ̀ rǝcandǝa mala Kǝrǝsti ɓǝ̀ pakturo nǝ mim ngga.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

Amǝ Kolosi 2:3

Aɓa Kǝrǝsti sǝ gǝna mala sǝlǝe andǝ surǝe mala Ɓakuli kat sǝmbǝrǝa.

Amǝ Kolosi 2:9

Acemǝnana lumsǝo mala Ɓakuli kat aɓa nggūrǝu ka, aɓa Kǝrǝsti sǝ pa.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 1:5

Yana ɗe ata amǝturonjar mala Ɓakuli, mǝnana Ɓakuli ne wi àkǝ̀ pwari ama, “A nda Munem, yalung ngga, ǝn dumǝna Tarró” ka? Ko báng gbal amur ɓe kǝ mǝturonjar ama, “Mǝ nǝ duk Tarrí, sǝ yì ka, nǝ̀ duk Munem” ngga?

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 2:11

Sǝ ado ka, Yesu andǝ aɓwana mǝnana kǝ táría ɓǝa duk mala Ɓakuli ka, Tárria mwashat. Nda gir mǝnana tsǝa sǝ kǝsǝkya pakki Yesu arǝ tunǝia ama, amǝ'eambǝi raka.

Amǝ Ibǝru 5:5

Anggo gbal, Kǝrǝsti pe ɓamuri gulo mala duk Pǝris Mǝgule ɗang. Ɓakuli nǝ pe wi mǝno yì gulo ka sǝ ne wi ama, “A nda Munem! Yalung ngga, ǝn dumǝna Tarró.”

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

1 Yohana 4:9

Ani sǝ Ɓakuli lǝmndǝa sǝm earcearǝu, mǝnana tur Muni ɓǝrɓǝr a ɓanza, ace mǝnana ɓǝ̀ sǝm kum yilǝmu nǝbani ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Sǝna 19:13

Oasǝ nggea-daura mǝnana à parri aɓa nkila ka, sǝ lullǝu mǝnana à tunǝki nǝi ka, nda “Cau mala Ɓakuli.”

Sǝna 21:3

Ən ok ɓe giu mǝgule pur nǝban bunomurǝm mala Ɓakuli, na cau ama: Wu sǝni, ban-do mala Ɓakuli adyan ngga, nda aban aɓwana male! Yì ka, nǝ̀ do andǝia, sǝ yia ka, à nǝ̀ duk aɓwana male. Ɓakuli nǝ nggearǝì nǝ̀ do atea.