Yohana 1:12 - Maləmce Məfele mala Ɓakuli: Kurcau Məbəshe

¹² Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 1:12 ပူးပေါင်းရင်းမြစ်များ

Matiu 10:40

Ɓwa mǝnana ak wun ngga mǝ nda akiyiam ngga. Sǝ ɓwa mana em ngga ndarǝ ak ɓwa mǝnana tasǝam ngga.

Matiu 12:21

A rǝì sǝ aɓwana kat a ɓanza nǝ̀ tsǝkɓalǝia.”

Matiu 18:5

Koya ɓwa sǝ ak muna mǝkyauwe kǝla mǝnia acem ngga, Mǝ nda akiyiam ngga.

Yohana 1:11

Yiu aban aɓwana mǝnana amale na ka, sǝ amale é ɗang.

Yohana 1:7

Yiu yi ne ɓwapǝndǝa cau amur mǝnia yì tǎlaban ngga, ace mǝnana ɓǝ̀ ɓwapǝndǝa kat ok mǝnia yì cau ka, ɓǝ̀ é.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Yohana 2:23

Mǝnana Yesu na a Urǝshalima a pwari Lamsan Yalimuru ka, aɓwana pas à sǝn agir-ndǝlǝki mǝnana pea ka, pǝlǝa à pà ɓamuria abani.

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 3:18

“Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

Amǝ Mishan 3:16

Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.

Amǝ Roma 8:14

Aɓwana mǝnana Bangŋo mala Ɓakuli na kǝ gingnǝia ka, à nda ka muna mala Ɓakuli.

Amǝ Roma 8:16

Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli.

Amǝ Roma 8:19

Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Galati 4:6

Sǝ acemǝnana sǝm nda ka amuni ka, Ɓakuli tasǝ Bangŋo mala Muni a ɓabum sǝm, mǝnana kǝ tsǝk sǝm, sǝm nggǝ tunǝi ama, “Dâ, Tárram.”

Amǝ Kolosi 2:6

Sǝ adyan ngga, kǝla mǝnana wu angŋǝna Kǝrǝsti Yesu, dumǝna mǝtala wun ngga, wu lidǝmbǝa nǝ kpate.

2 Bitǝrus 1:4

Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.

1 Yohana 3:1

Wu sǝn ulang earcearǝu mǝnana Tár sǝm nani arǝ sǝm, mǝnana à nǝ̀ tunǝ sǝm ama, amuna mala Ɓakuli ka! Sǝ anggo sǝ sǝm pa! Sǝ aɓwana mǝnana amǝ ɓanza na ka, à pànǝ sǝlǝ ama sǝm ndaka muna mala Ɓakuli ɗang, acemǝnana à surǝì ɗang.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.