Yahuda 1:20 - Maləmce Məfele mala Ɓakuli: Kurcau Məbəshe

²⁰ Sǝ wun agyajam mem ngga, wu lidǝmbǝa nǝ ɓak rǝarǝ wun aɓa dokwaɗi ma'wun nggea mǝfele. Wu kǝ pak hiwi aɓa rǝcandǝa mala Bangŋo Mǝfele.

Yahuda 1:20 ပူးပေါင်းရင်းမြစ်များ

Amǝ Mishan 15:9

Ɓakuli lǝmndǝa sǝm earmuru sǝ ɓinǝ mǝsǝia ɗang, twalia wia aban acauɓikea malea, lak ɓabumia, acemǝnana à paɓamuria abani ka.

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Mishan 6:7

Anggo sǝ cau mala Ɓakuli lidǝmbǝa kǝ akiban. Amǝkwaɗi mǝnana a Urǝshalima ka, à lidǝmbǝa nǝ lakki. Sǝ apǝris pas paɓamuria aban kpata Yesu.

Amǝ Mishan 9:31

Anggo sǝ ikǝlisiya aɓa nzali Yahudi kat, andǝ Galili andǝ Samariya ka, dum nǝ rǝpwala. Nǝ́ pa gbasha mala Bangŋo Mǝfele, amǝkwaɗi kum rǝcandǝa, sǝ à kǝ lakki, à do nǝ ɓanggi Mǝtalabangŋo.

Amǝ Roma 15:2

Koyan aɓalǝ sǝm ngga ɓǝ̀ kǝ̀ ɗenyi nǝ ɓi mǝ'murkala, sǝ ɓǝ̀ kǝ̀ pakki wi mǝɓoarne mǝnana nǝ̀ loasǝi aɓa paɓamuru ka.

Amǝ Roma 8:15

Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!”

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

1 Amǝ Korinti 10:23

Aɓwana kǝ bangŋa ama, “À earǝna sǝm ɓǝ̀ sǝm pak koya gir ka.” Sǝ agir kat, sǝ sǝm nǝ̀ kum ɓoaro malea ɗang. “Koya gir ka, à earǝna sǝm ɓǝ̀ sǝm pe.” Sǝ koya gir na, nǝ̀ ɓak ɓwa ka ɗang.

1 Amǝ Korinti 14:15

Sǝ ado ka, mana mǝ nǝ pa? Mǝ nǝ pak hiwi nǝ bangŋo mem, sǝ mǝ nǝ pak hiwi nǝ ɗenyicau mem gbal. Mǝ nǝ tu'nggyal nǝ bangŋo mem, sǝ mǝ nǝ tu'nggyal gbal nǝ acau mǝnana ǝn bwalta ɓalǝia ka.

1 Amǝ Korinti 14:26

Wun amǝ'eamrǝarǝu, ɓa cau mǝnana ǝn nakiyi ka ndya ka. Ɓǝ̀ wu yi dapina abanɓwáná aban peri ka, aɓea ɓwana ka nggyal na à nǝ̀ tù ka. Aɓea ka gir na à ndanǝi à nǝ̀ kani ikǝlisiya ka. Aɓea ɓwana man ngga causǝna na Ɓakuli lǝmndǝia wia aɓa bangŋo à nǝ̀ ne ikǝlisiya ka. Aɓea aɓwana ka à nǝ̀ bangcau nǝ akún-takuli. Aɓea ɓwana ka à nǝ̀ bǝlki ɓalǝ acau mǝnana à nea nǝ akún-takuli ka. Sǝa ma koya gir à pe kat ka, ɓǝa pe ace ɓak ikǝlisiya.

Amǝ Galati 4:6

Sǝ acemǝnana sǝm nda ka amuni ka, Ɓakuli tasǝ Bangŋo mala Muni a ɓabum sǝm, mǝnana kǝ tsǝk sǝm, sǝm nggǝ tunǝi ama, “Dâ, Tárram.”

Amǝ Afisu 4:12

Pāki amǝno yia aɓoro ka, acemǝnana ɓǝ̀ pea aɓwana male rǝcandǝa mala turo ɓak ikǝlisiya, yì nggūrǝ Kǝrǝsti.

Amǝ Afisu 4:16

Yì nggūrǝu ka, Kǝrǝsti na tsǝkiyi ɓǝ̀ duk pepe abanarǝia ka. Koya barǝu aɓa pak male yì turo ka, nda rǝ bwali aɓea abarǝu ɓǝa gulo, ace mǝnana nggūrǝu kat ka, ɓǝ̀ kǝ gulo nǝ rǝcandǝa sǝ ɓǝ̀ lumsǝ nǝ earcearǝu.

Amǝ Afisu 4:29

Wu kǝa eare cau mǝɓane ɓǝ̀ pur a kun wun ɗang. Wu kǝ na cau mǝnana nǝ̀ ɓakban ngga, ace mǝnana ɓǝa amǝ'oe ɓǝa kum ɓwamuru a ɓalǝi.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Kolosi 2:7

Ɓǝ̀ nlerǝ wun ɓǝ̀ ko aɓa Kǝrǝsti, sǝ ɓǝ̀ duk kusǝɓa mala do ma'wun. Ɓǝ̀ paɓamuru ma'wun kum rǝcandǝa kǝla mǝnana à kania wun ngga, sǝ wu lumsǝ nǝ pak yàwá.

1 Amǝ Tasalonika 5:11

Ace mani ka, wu kǝ pea rǝ wun rǝcandǝa, wu kǝ ɓak rǝarǝ wun, kǝla mǝnana ado wu kǝ pak ka.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

2 Timoti 1:5

Ən nggǝ ɗenyi nǝ paɓamuru mo mǝɓafoe aban Mǝtalabangŋo kǝla ulang pe mala keo mǝ'mɓwamae, yì Loyis andǝ nggo Yunis, sǝ ǝn sǝlǝna nǝma a ndarǝ lidǝmbǝa aɓa mǝno yì paɓamuru ka nǝ rǝcandǝa.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

Jemis 2:22

Wu sǝni ka, paɓamuru male andǝ aturo male ka à kǝ gya a tarǝia. Nǝ aturo sǝ paɓamuru male lumsǝo.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.