Yahuda 1:16 - Maləmce Məfele mala Ɓakuli: Kurcau Məbəshe

¹⁶ Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Yahuda 1:16 ပူးပေါင်းရင်းမြစ်များ

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 19:7

Ɓwapǝndǝa mǝnana kat sǝn mǝnia ka, tita nggwani ama, “Ɓwabura man ngga kya sulǝna a ɓala mala mǝ'cauɓikea!”

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Yohana 6:41

Ace mǝno yì cau ka aɓwana-mǝgule mala amǝ Yahudi tita nggwani acemǝnana Yesu bangŋa ama yì ka, nda girlina mǝnana sulǝ nǝ kuli ka.

Yohana 6:61

Kǝɓwa ne wi ɗang, sǝ Yesu ka sǝlǝna ama alaggana male na aban nggwani amur man yì kanigir ka, pǝlǝa nea wia ama, “Kanigir man tsǝk wun bum wun kiɗiki le?

1 Amǝ Korinti 10:10

Ɓǝ̀ sǝm ngga nggwani, kǝla mǝnana aɓea aɓwana atea pa, sǝ Mǝturonjar mala lú, yi twaltea ka ɗang.

Amǝ Galati 5:16

Cau mǝnana ǝn nggǝ bang ngga ndya ani ka: Wu nyinggi Bangŋo Mǝfele ban ɓǝ̀ ging nǝ yilǝmi wun. Anggo ka, pa wu nǝ̀ nggǝ pakki agir mala kpata suno mala nggūrǝu ɗang.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Filipi 2:14

Wu pusǝ nggwani andǝ makgir aɓalǝ agir mǝnana kat wu pakkiyi ka.

1 Amǝ Tasalonika 4:5

Pà aɓa do nǝ npel mala nshawari mǝkǝrkǝr nì, kǝla pe mala amǝkpata ɓanza, aɓwana mǝnana à surǝ Ɓakuli raka ɗang.

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

2 Timoti 4:3

Acemǝnana pwari na kǝ yiu ka, mǝnana ɓwapǝndǝa pa nǝ̀ earnǝ kanigir mǝɓoarne raka. A kun mani ka, à nǝ̀ rambǝa amǝkanigir a rǝia mǝnana à nǝ̀ pwasǝ bumia nǝ nea wia gir mǝnana kiria kǝ oākia a rǝì, sǝ à earkiyi ce oe ka.

1 Bitǝrus 1:14

Ado mǝnana wu nda ka muna mala Ɓakuli amǝ okiru ka, wu kǝa eare ɓǝ̀ do ma'wun duk mala kpata anpel mǝɓane mǝnana wu ndanǝia ɗiɗyal aɓa ɗwanyi sǝlǝe ka ɗang.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.

2 Bitǝrus 3:3

Gir mǝnana wu nǝ̀ sǝlǝa a dǝmbe ka, nda mǝnana ama, a masǝlǝata apwari ka, amǝ'oalban nǝ̀ yia pusǝ rǝia, à nǝ̀ nggǝ oal mǝsǝcau, sǝ à nǝ̀ nggǝ kpata suno malea mǝ'cauɓike.

Yahuda 1:15

ace yinǝ ɓashi amur ɓwapǝndǝa kat. Nǝ̀ yia mak aɓwana kat mǝnana à surǝ Ɓakuli raka nǝ ɓashi, ace agir mǝnana kat à pea aɓa do malea mala ɗwanyi surǝ Ɓakuli ka, andǝ acau mǝɓike mǝnana amǝ'cauɓikea, amǝ ɗwanyi surǝ Ɓakuli ne amuri ka.”

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”