Yahuda 1:11 - Maləmce Məfele mala Ɓakuli: Kurcau Məbəshe

¹¹ Gir'murmwana na amuria! À twalǝna kusǝ Kayinu. Rufi malea ata boalo tsǝngŋǝnia à kpana aɓa ɓwarkio mala Balaam. À mgbikiru kǝla Kora, sǝ à kpana kìɗìkea kǝla yì.

Yahuda 1:11 ပူးပေါင်းရင်းမြစ်များ

Matiu 11:21

Wun amǝ Korazin, ban nǝ ɓikea wun! Wun amǝ Beseda, ban nǝ ɓikea wun! Ɓǝ̀ ama agir-ndali mǝnana ǝn pea aɓalǝ ala ma'wun ngga à nda ǝn pea arǝ ala mala amǝ Taya andǝ amǝ Sidon ngga, ɓǝa oasǝkina asangginagir a rǝia sǝ à songŋǝna tú amuria ɗiɗyal mana nǝ̀ lǝmndǝ ama à nyingŋǝna acauɓikea malea ka.

Amǝ Ibǝru 11:4

Habila pà ɓamuri aban Ɓakuli sǝ pè Ɓakuli gir'nkila mǝɓoarne mǝnana kuti mana Kayinu pà ka. Ace paɓamuru male sǝ Ɓakuli ɓwangsǝi ama yì ka, mǝ'cauɓoarna na, lang yi na mǝɓoarne amur aɓoro male ka. Ko kat andǝ amani ama Habila wuna ka, kǝ bangga sǝm cau piu nǝ paɓamuru male.

2 Bitǝrus 2:15

À nyingŋǝna njar mala mǝsǝcau sǝ à ɓwarkini tanjar mǝɓoarne. À kpanata njar mala Balaam muna mala Beyo, mǝnana earce kum boalo nǝ njar gir mala cauɓikea ka.

1 Yohana 3:12

Ɓǝ̀ sǝm ngga pa kǝla Kayinu mǝnana ɓwa mala mǝɓealɓikea na, sǝ wal-lú mǝ'eambǝi Habila ka ɗang. Ace mana ɗe sǝ wal-lui? Nda acemǝnana aturo male ka amǝ ɓike na, sǝ a mala mǝ'eambǝi ka amǝɓoarne na ka.

Sǝna 2:14

Sǝa ma mǝ ndanǝ agir bǝti mǝnana ǝn ɓinǝmǝsǝia a rǝo ka: A kǝ earnǝ aɓea aɓwana a ɓalǝo mǝnana à bwal kanigir mala Balaam, yì ɓwa mǝnana lǝmndǝì Balak njargula mǝnana nǝ̀ tsǝk amǝ Isǝrayila ɓǝa ɓwarki tanjar ka. Yi kania wia, ɓǝa li girlina mǝnana à ci ata ankúl ka, sǝ ɓǝa pak cauɓikea nongginǝ-rǝarǝu.