Yahuda 1:1 - Maləmce Məfele mala Ɓakuli: Kurcau Məbəshe

¹ Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.

Yahuda 1:1 ပူးပေါင်းရင်းမြစ်များ

Matiu 10:3

Filip andǝ Batalomi; Toma, andǝ Matiu (mǝ'ak boalo-cemi); Jemis (muna mala Alfiyus), andǝ Tadawus;

Matiu 13:55

Mǝnia ka muna mala kapinta na re? Ngge nda Maryamu sǝ amǝ'eambǝi ndaka Jemis, Yisǝfu, Shiman andǝ Yahuda re?

Markus 3:18

Andǝru, andǝ Filip, andǝ Batalomi, andǝ Matiu, andǝ Toma, sǝ Jemis muna mala Alfiyus, sǝ Tadawus ka, à ndakam gbal atea. Acilia ka à nda ka Shiman yì ɓwa mana earkiyi ace la male raka,

Markus 6:3

Kafinta man na mbak? Yì nda muna mala Maryamu mbo, sǝ amǝ'eambǝi Jemis, Yisǝfu, Yahuda andǝ Shiman, andǝ amǝ'eambǝi amuna mamǝna pa kani aban sǝm re?” Kara bumia kiɗiki a rǝì, à ginǝ earnǝi.

Luka 6:16

andǝ Yahuda (muna mala Jemis), sǝ Yahuda Iskariyoti (mǝnana yi kurkuro nǝ Yesu ka).

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Yohana 14:22

Pǝlǝa Yahuda (mǝnana nda Yahuda Iskariyoti raka) banggi wi ama, “Mǝtalabangŋo, mana tsǝa sǝ a nǝ lǝmndǝ ɓamuro aban sǝm, sǝ a pà nǝ lǝmndǝì ɓanza kat ɓamuro ɗang?”

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 17:15

Ən pa aban zǝmbǝa nǝma wu pusǝia, ɓǝa nying ɓanza ɗang. Mǝ nda aban zǝmbǝa ama, wu bwalia, ɓǝa ká kuti a ɓabu Shetan, mǝɓealɓikea ɗang.

Yohana 17:17

Tària ɓǝà duk amo nǝ mǝsǝcau mo; cau mo ka nda kǝ mǝsǝcau.

Yohana 17:19

Sǝ àkǝ̀ cea sǝ ǝn tar ɓamuram ɓǝn duk mo, acemǝnana yia gbal ka, ɓǝa tar ɓamuria aceo ɓǝa duk amo aɓa mǝsǝcau.

Yohana 6:39

Sǝ mǝnia ka nda kànì mala Tárram mǝnana tasǝam ngga, ama ɓǝn ngga turta kǝɓwa aɓalǝ aɓwana mǝnana pam ngga ɗang, sǝ a kun mani ka ɓǝn loasǝia kat nǝ yilǝmu a masǝlǝata apwari.

Amǝ Mishan 1:13

Lang à bwalǝna ɓala ka, pǝlǝa à kutio a kurǝm kuli, ban mǝnana à duki kam ngga. Aɓwana mǝnana à nda abanì ka, à nda ka Bitǝrus, andǝ Yohana, andǝ Jemis, andǝ Andǝru, andǝ Filip, andǝ Toma, andǝ Batalomi, andǝ Matiu, andǝ Jemis muna mala Alfiyus. À nda ata rǝia andǝ Shiman mǝnana earkiyi ace la male raka, andǝ Yahuda muna mala Jemis.

Amǝ Mishan 20:32

Ado ka, ǝn nggǝ nying wun aɓa bu Ɓakuli ɓǝ̀ bwal wun sǝ ɓǝ̀ tamsǝ wun aɓa paɓamuru arǝ cau mala ɓwamuru male, mǝnana nǝ̀ gandǝ ɓak wun, nǝ̀ pa wun atsǝkbu mǝnana Ɓakuli ndanǝi ace aɓwana mana twalnia à dumǝna amale na ka.

Amǝ Mishan 27:23

Aɓa bu du mǝnia kuti ka, mǝturonjar mala Ɓakuli mem mǝnana ǝn nggǝ peri abani ka, yiu abanam,

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

Amǝ Roma 1:6

Wun ngga, wu nda aɓalǝ aɓwana mǝnana à tunǝia ɓǝa duk amala Yesu Kǝrǝsti ka.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

Amǝ Roma 6:22

Sǝ ado ka, à panzǝkina wun a bu cauɓikea, wu dumǝna aguro mala Ɓakuli, gir mǝnana wu nǝ̀ kum a ɓalǝi ka nda do mǝfele, sǝ masǝlǝate ka nda yilǝmu mǝnana málá male pà kàm raka.

Amǝ Roma 8:30

Sǝ aɓwana mǝnana Ɓakuli tària ka, à nda ka amǝnana gbal tunǝia ka, sǝ aɓwana mǝnana tunǝia ka, angŋǝnia, à dumǝna aɓwana amǝ'cauɓoarna abani, sǝ aɓwana mǝnana angŋǝnia ka, à nda gbal yinǝia aɓa kum gulo male ka.

Amǝ Roma 9:24

Sǝm nda ka mǝno yì aɓwana tàr sǝm ace ɓwamuru ka, sǝm mǝnana tunǝ sǝm aɓalǝ amǝ Yahudi, sǝ aɓalǝ aɓwana mala acili anzali gbal ka.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

1 Amǝ Korinti 6:11

Sǝ aɓalǝ wun ngga, anggo sǝ aɓea aɓwana pak ɗiɗyal. Sǝ adyan ngga à langŋǝna wun, à tarna wun ace Ɓakuli, wu dumǝna amǝ'cauɓoarna aɓa lullǝ Mǝtalabangŋo Yesu Kǝrǝsti, sǝ nǝ Bangŋo mala Ɓakuli ma'sǝm.

Amǝ Afisu 5:26

Kǝrǝsti pa yilǝmi ace mǝnana ɓǝ̀ tar aɓwana male, yì ikǝlisiya, ɓǝa duk a mala Ɓakuli, nǝ̀ nggǝ lea nǝ mur lakban mala cau mala Ɓakuli.

1 Amǝ Tasalonika 2:12

Sǝm ɓuakia arǝ wun, sǝm ɓakɓabum wun, sǝ sǝm kwarkir wun ama, wu duk ulang do mǝnana ban nǝ̀ ɓoari Ɓakuli a rǝì, yi mana nda ɓwa mǝnana tunǝ wun ɓǝ̀ wu yi do aɓata domurǝm andǝ gulo male ka.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

2 Timoti 4:18

Yì, yì Mǝtalabangŋo ka, nǝ̀ amsǝam aɓalǝ aɓealɓikea kat, sǝ nǝ̀ ká nǝ mim jam aɓa domurǝm male mala kuli. Gulo ka, male na kat, masǝlǝate pà kàm ɗang. Amin.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

Yahuda 1:21

Wu bwal ɓamur rǝ wun aɓa earcearǝu mala Ɓakuli, yi mǝnana wu nda arǝ kundǝ mǝsǝswatǝr mala Mǝtala sǝm Yesu Kǝrǝsti, mǝnana nǝ̀ yinǝ wun aɓa yilǝmu mana málá male pà kàm raka.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.