Titus 3:4 - Maləmce Məfele mala Ɓakuli: Kurcau Məbəshe

⁴ Sǝ lang Ɓakuli Mǝ'amsǝ sǝm yì lǝmndǝna ɓwamuru andǝ earcearǝu male ka,

Titus 3:4 ပူးပေါင်းရင်းမြစ်များ

Luka 1:47

sǝ ɓabumam kǝ pak banɓoarnado ata cau mala Ɓakuli Mǝ'amsǝam,

Amǝ Roma 2:4

We ka, a sǝn nggea ɓwamuru, andǝ twal gandǝa, andǝ munyi mala Ɓakuli mǝnana ndanǝi a rǝo raka re? Mǝnia ka kǝgir na abano re? A sǝlǝ ado ama ɓwamuru male ka nda ace mǝnana nǝ̀ nyesǝo wu pwanzali abani, wu nying buo arǝ cauɓikea ka re?

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

1 Timoti 2:3

Mǝnia ka ndanǝ ɓoaro, sǝ kǝ pwasǝbum Ɓakuli Mǝ'amsǝ sǝm,

1 Timoti 4:10

Nda gir mǝnana tsǝa sǝ sǝm nggǝ pak turo kǝrkǝr, sǝm nggǝ lidǝmbǝa nǝ ɓariki, acemǝnana tsǝkɓalǝu ma'sǝm ngga, nda amur Ɓakuli mǝyilǝmuì, yì Mǝ'amsǝban mala aɓwana kat, nggeamurǝmi ka aɓwana mǝnana à paɓamuria abani ka.

2 Timoti 1:10

Sǝ ado ka, lǝmndǝna sǝmi bwāng nǝ yiu mala Kǝrǝsti Yesu, Mǝ'amsǝ sǝm, mǝnana ɓun rǝcandǝa mala lú, pǝlǝa lǝmndǝa sǝm njar mala yilǝmu mǝnana málá male pà kàm raka, aɓa Cau Amsǝban.

Titus 1:3

Anggo lang pwari male mǝnana tsǝk ka yi karǝna ka, Ɓakuli yi lǝmndǝi a banfana aɓa cau male. Mǝnia yì cau ka, à pam sǝ ǝn yi hamnǝi kǝla mǝnana Ɓakuli Mǝ'amsǝ sǝm tasǝam ngga.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.

1 Bitǝrus 2:3

mǝnana ado “wu ongŋǝna ɓoaro mala Mǝtalabangŋo ka.”