Titus 3:2 - Maləmce Məfele mala Ɓakuli: Kurcau Məbəshe

² Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Titus 3:2 ပူးပေါင်းရင်းမြစ်များ

Matiu 11:29

Wu pa ɓamur rǝ wun aɓata nzongcau mem, kǝla mana nda-rya kǝ pa ɓamuri aɓata nggun-rya ka. Acemǝnana mǝ nda ɓukɓuk, nǝ nwangsǝmuru a ɓabum ngga, wu kànì a rǝam, sǝ yilǝmi wun nǝ̀ kum usǝlǝo.

Amǝ Mishan 23:5

Bulǝs pǝlǝa earia wia ama, “Ace rǝwun, wun amǝ'eambǝam, ǝn sǝlǝ nǝma yì ka, Pǝris Mǝgule na ɗang. Acemǝnana Malǝmce na ama, ‘A pa wu nǝ na mǝɓane amur murǝm mala aɓwana ma'wun ɗang.’”

1 Amǝ Korinti 6:10

Kat andǝ amǝn'i, andǝ amǝ'mɓali, andǝ amǝ wal walo mba, andǝ amǝ tsǝki aɓwana cau a rǝia, andǝ amǝ ɓǝmbǝriban ngga, à pà nǝ̀ kutio a Domurǝm mala Ɓakuli ɗang.

1 Amǝ Korinti 9:19

Mim ngga mǝ nda ata rǝam, mǝ nda guro mala kǝɓwa ɗang. Mǝ nda mǝnana ǝn tsǝk ɓamuram, ǝn duk guro mala koyan ngga, ace mǝnana ɓǝ̀ ǝn yinǝ aɓwana pas aban Kǝrǝsti.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 12:20

Ɓangciu kǝ pakkam ama ɓǝ̀ ǝn yiu ka, yakǝla mǝ nǝ yia kum wun pà kǝla mǝnana mǝ nǝ earce ɓǝ̀ wu pak ka ɗang, sǝ wun ngga, yakǝla wu kumam pa kǝla mǝnana wu nǝ̀ earcem mǝ pak ka ɗang. Ɓangciu kǝ pakkam ama, mǝ nǝ yia kum kúnɓuana, andǝ mɓali, andǝ bumlulla, andǝ earce-ɓamuru, andǝ kiɗikiɓwa, andǝ twal-lullǝu, andǝ candǝmuru, andǝ zuriki nre-rǝarǝu.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Galati 6:1

Wun amǝ'eamrǝarǝu, ɓǝ̀ mǝ'eamrǝarǝu na sǝ à kumi aɓa ɓe kǝgir mǝɓane ka, wun mǝnana wu came aɓa Bangŋo ka, wu nyesǝi amur njargula, nǝ ɓealǝu mǝɓukɓuki. Sǝ we ɓwa mǝnana a nǝ pak turo nyesǝban ngga, parkiro ace mǝnana wu kǝa kpa aɓa mǝno yì karǝkiban ɗang.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Afisu 4:2

Ko aya pwari ka, wu nyesǝmur wun, wu duk ɓuɓɓuk nǝ pak munyi nǝ rǝarǝ wun. Wu lǝmndǝì arǝ wun earcearǝu andǝ do nǝ gandǝrǝu.

Amǝ Afisu 4:31

Ace mani ka, wu ɗeki bumkpǝmna, andǝ ukkio mala ɓabum andǝ bumlulla, andǝ kiɗikiɓwa andǝ loasǝkiaban, andǝ acili aɓealǝu mǝɓike ɗàngɗáng.

Amǝ Filipi 4:5

Ɓǝ̀ ɓwapǝndǝa sǝn domunyi ma'wun aɓa girbunda kat. Pà nǝ̀ sau ɗang, Mǝtalabangŋo nǝ̀ yiu.

1 Amǝ Tasalonika 2:7

Sǝm kǝla amǝturo mishan mala Kǝrǝsti ka, ɓǝ́ sǝm pangŋǝna turo nǝ rǝcandǝa mǝnana sǝm ndanǝi ka ace alta gir aban wun. Sǝa ma sǝm ngga, sǝm duk ɓukɓuk aɓalǝ wun, kǝla mǝnana nggea ka amuna kǝ pa ace ɗenyi nǝ amuna male ka.

1 Timoti 3:11

Anggo gbal, sǝ duk pup ama, amamǝna mǝnana amǝ'bwalturo ɓa ndahiwi na ka, ɓǝa kumia nǝ ɓealɓoarna, ɓǝa kǝa duk amǝ twalki alullǝu ɗang, ɓǝa dum nǝ bwalrǝu andǝ mǝsǝcau aɓa koya gir.

1 Timoti 3:3

Yì ka, pà nǝ̀ duk mǝ'nuki agir andǝ wal-wale ɗang, pà nǝ̀ duk mǝ lullo ɗang, nǝ̀ pak ɓukɓuk, pà nǝ̀ earce loasǝkiaban ɗang, sǝ pà nǝ̀ duk mǝ rufi ata boalo ɗang.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

1 Bitǝrus 2:1

Ace mani ka, wu swár koya ulang ɓealɓikea, andǝ koya ulang kutan mǝɓane, andǝ kúnɓárína, andǝ mwararǝu, andǝ koya ulang naki acau kiɗiki ɓwa.

1 Bitǝrus 3:10

Malǝmce ka, bangŋa ama: “Ɓwa mǝnana kat kǝ earce kum banɓoarnado mala yilǝmu, sǝ nǝ̀ sǝn anonggeo mala bumpwasǝa ka, dumǝna púp nǝ̀ bwal lasǝi arǝ na mǝɓike, sǝ mburkuni ka, nǝ̀ bwali arǝ na nyir.

1 Bitǝrus 3:8

A masǝlǝate ka, wun kat ka, ɗenyicau ma'wun ɓǝ̀ duk mwashat. Wu kǝ sǝn mǝsǝswatǝr mala rǝarǝ wun. Wu earce rǝarǝ wun kǝla amǝ'eamrǝarǝu. Wu dum nǝ ɓabum ɓukɓuka andǝ nyesǝmuru.

1 Bitǝrus 4:4

Ado ka, agyajam ma'wun mǝnana ɗiɗyal ka, à kǝ ndali acemǝnana wu kǝ kpapi wunǝia ɗǝm aɓa mǝno yì do-kiɗìkì andǝ ɗwanyi bwalrǝu ka ɗang. Nda gir nî sǝ à kǝ sanggi wun,

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

Yahuda 1:10

Sǝ amǝnia yì aɓwana ka, à kǝ bangcau nǝ ɓǝsǝkiban amur agir mǝnana à bwaltea raka. Sǝ agir mǝnana à bwaltea nǝ gyata oe malea a rǝǔ, andǝ ɗwanyi ɗenyicau kǝla agirkusǝu ka, à ndaka kǝ gir mǝnana à kǝ kiɗikia ka.

Yahuda 1:8

Anggo gbal, amǝnia yì aɓwana à twali ɓamuria ama à kǝ sǝnsǝna aɓa bangŋo ka, à kǝ pǝndǝki nggūrǝia nǝ cauɓikea nonggi nǝ rǝarǝia; à burice yalban mala Ɓakuli amuria, sǝ à nyesǝ amǝturonjar mǝɓoarɓwe mala Ɓakuli ɓà.