Titus 2:2 - Maləmce Məfele mala Ɓakuli: Kurcau Məbəshe

² Kania aburana mǝnana à gulna ka do-bwalɓamuru, ɓǝa dum nǝ ɓealǝu mǝnana nǝ̀ tsǝa aɓwana kat nǝ̀ pea wia gulo ka. Kania wia ɓǝa duk aɓwana mǝnana à ndanǝ ɓabum ɓaɗenyicau ka, ɓǝa bwal kàngkàng arǝ paɓamuru mǝnana pà nǝ̀ kpa raka, andǝ earcearǝu, andǝ do munyi aɓa mǝkwane.

Titus 2:2 ပူးပေါင်းရင်းမြစ်များ

Markus 5:15

Lang à yina aban Yesu ka, à yì kum ɓwa mǝnana nǝ akukwar a ɓa'nyami ɗiɗyal ka dumǝna nǝ agir-nggurǝu a rǝì, nyarǝna aɓa ɗenyicau male pepe. Gir nî pea wia ɓangciu kat.

Luka 8:35

Ɓwabunda puro aban ká sǝn gir mǝnana kumban ngga. Lang à yina aban Yesu ka, à yì kum mǝnia yì ɓwa mǝnana akukwar purî rǝì ka, aban do a ɓadǝm Yesu nǝ agir-nggurǝu a rǝì, ɗenyicau male nyarǝna a rǝì, sǝ ɓangciu pakkia wia.

Amǝ Mishan 24:25

Sǝ lang Bulǝs kutia na cau amur ɓealɓoarna, andǝ bwalɓamuru, andǝ ɓashi mala Ɓakuli mǝnana nǝ̀ yiu ka, Felis ka nggea ɓangciu pakki wi, nda na ama, “Karǝna anggo, a nǝ gandǝ o ado. Mǝ nǝ nyare mǝ nǝ tunǝo ɗǝm ɓǝ̀ ǝn kumǝna dǝmbǝu ka.”

Amǝ Roma 12:3

Nǝ ɓwamuru mǝnana à pam ngga, ǝn nggǝ zǝmbǝi koyan ata wun ngga, ɓǝ̀ kǝa twal ɓamuri kǝrkǝr ɓǝ̀ kuti bancame male ɗang. Ɓǝ̀ ɗenyicau mala koya ɓwa ka, ɓǝ̀ karǝ arǝ paɓamuru male mǝnana Ɓakuli pe wi ka.

1 Amǝ Korinti 15:34

Wu nyare aɓa ɗenyicau ma'wun, sǝ wu bwaki bu wun arǝ cauɓikea. Aɓea ɓwana ata wun, à surǝ Ɓakuli ɗang. Ən bang mǝnia ka ace ɓǝ̀ wu kum kǝsǝkya.

1 Amǝ Korinti 9:25

Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.

2 Amǝ Korinti 5:13

Ɓǝ̀ lǝmndǝa kǝla dǝm sǝm kwar raka, nda àkǝ̀ ce gulo mala Ɓakuli. Sǝ ɓǝ̀ sǝm kwar nǝ kwaro ka, nda àkǝ̀ ce ɓoaro ma'wun.

Amǝ Galati 5:23

andǝ ɓukɓuka, sǝ bwalrǝu. Ɓe kǝ nggurcau pà kàm amur amǝnia yia agir ka ɗang.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

1 Amǝ Tasalonika 5:6

Ace mani ka, wu tsǝkir wun, wu kǝa nong'ntulo kǝla acili aɓwana ɗang. Ɓǝ̀ sǝm dum nǝ mǝsǝ sǝm andǝ do aɓa kwaro mala dǝmbǝu.

1 Amǝ Tasalonika 5:8

Sǝ sǝm mǝnana sǝm nda ka aɓwana mala pwari ka, ɓǝ̀ sǝm do aɓa kwaro mala dǝmbǝu. Ɓǝ̀ sǝm oasǝ paɓamuru andǝ earcearǝu kǝla oasǝ daura bolo, sǝ tsǝkɓalǝu arǝ kum amsǝban ngga, kǝla sukuru bolo.

1 Timoti 1:10

Yì Nggurcau ka, nda ace amǝ nongginǝban a nza nǝ doɓala, andǝ amǝ pak cauɓikea nongginǝ rǝarǝia, aburana arǝ aburana sǝ amamǝna arǝ amamǝna. Nda ace amǝ bwalban a guro, andǝ amǝnyir, andǝ amǝ kanná amur nyir, andǝ aɓwana mǝnana kat do malea ka nda ɗàng andǝ kanigir mǝ'mǝsǝcau nì ka.

1 Timoti 1:14

Sǝ Mǝtala sǝm solǝam ɓwamuru male mǝkǝrkǝr nì a muram, a tarǝia andǝ paɓamuru andǝ earcearǝu mǝnana à nda aɓa Kǝrǝsti Yesu ka.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

1 Timoti 1:5

Tǝr mǝnia yì nzongcau ka nda mǝnana ama, amǝ kpata Ɓakuli kat ka, à nǝ̀ lumsǝ nǝ earcearǝu mǝnana purkiyi a ɓabum mǝɓoarnsari, andǝ ɗenyicau mǝɓoarne, andǝ paɓamuru mǝ'mǝsǝcau nì ka.

1 Timoti 3:11

Anggo gbal, sǝ duk pup ama, amamǝna mǝnana amǝ'bwalturo ɓa ndahiwi na ka, ɓǝa kumia nǝ ɓealɓoarna, ɓǝa kǝa duk amǝ twalki alullǝu ɗang, ɓǝa dum nǝ bwalrǝu andǝ mǝsǝcau aɓa koya gir.

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 3:4

Dumǝna pup nǝ̀ bwal ɓala male pepe, sǝ nǝ̀ tsǝk amuni ɓǝa kǝ oki wi nǝ pagulo.

1 Timoti 3:8

Amǝ'bwal kun turo ndahiwi gbal ka, dumǝna pup ɓǝa kumia nǝ ɓealǝu mǝɓoarne, ɓǝa kǝa duk amǝ'kunɓarina ɗang. À pà nǝ̀ duk amǝ ɓiki nu mùr ɓǝlanggun anap, ko amǝ alta kume nǝ ɓǝmbǝriki aɓwana ɗang.

1 Timoti 5:1

Ce a pyau jamgula ɗang, ne wi cau ɓukɓuk nǝ pagulo, kǝla mǝnana a nǝ ne tárro ka. Ne alaggana cau kǝla mǝnana a nǝ ne amǝ'eambǝo ka.

Titus 1:13

Cau mǝnia ka mǝsǝcau na. Ace mani ka, gimbia nǝ rǝcandǝa, ace mǝnana ɓǝ̀ paɓamuru malea ɓǝ̀ duk mǝɓoarne.

Titus 1:8

A kun mani ka, dumǝna púp ama nǝ̀ duk mǝ'ak aɓwana, andǝ mǝ'earce gir mǝnana mǝɓoarne na ka. Yì ka, nǝ̀ dum nǝ bwalɓamuru, andǝ came amur mǝsǝcau, andǝ do tar ɓamuru ace Ɓakuli, andǝ hamírǝu.

Titus 2:7

Aɓalǝ agir kat ka, we nǝ nggearǝo ka pak gir mǝɓoarne mǝnana yia ka à nǝ̀ sǝna a rǝo ka. Aɓa kanigir mo ka, lǝmndǝ mǝsǝcau andǝ pe nǝ ɓabumo kat.

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

2 Bitǝrus 1:6

surǝgir ka wu gbashite nǝ bwalrǝu; bwalrǝu ka wu gbashite nǝ gandǝrǝu; gandǝrǝu ka wu gbashite nǝ do ɓanggi Ɓakuli.