Sǝna 9:20 - Maləmce Məfele mala Ɓakuli: Kurcau Məbəshe

²⁰ Cili ɓwapǝndǝa mǝnana auwa, agirpatanni mǝnia walia raka, à ginǝ pak bumkiɗikea arǝ aɓealɓikea malea, à ginǝ nyare aban Ɓakuli. À lidǝmbǝa nǝ peri a ɓadǝmbǝ akukwar andǝ ankúl mala zǝnariya andǝ azǝrfa, andǝ bolobangŋa, andǝ tali, andǝ nggun; amǝnana à kǝ sǝnban ɗang, à kǝ okban ɗang, sǝ à kǝ ging raka!

Sǝna 9:20 ပူးပေါင်းရင်းမြစ်များ

Matiu 21:32

Yohana Mǝbatisǝma yiu yi kania wun tanjar mǝɓafoe, sǝ wu earnǝi ɗang; sǝ amǝ'aki aboalo-cemi aɓa ɓǝmbǝriban andǝ aman-gung earnǝi. Kat andǝ mǝnana wu sǝn mǝnia ka, wu gine, pa wu nǝ̀ pwanzali, wu nǝ̀ nying acauɓikea ma'wun ɗang, sǝ wu earnǝ cau male ɗang.

Amǝ Mishan 17:29

Sǝ acemǝnana sǝm ndaka muna mala Ɓakuli ka, ɓǝ̀ sǝm ngga sǝni ama Ɓakuli na kǝla ɓǝ̀nzál mana à ɓeì nǝ bolo, ko tali, aɓa nyoule ko sǝlǝpe mala ɓwapǝndǝa ka ɗang.

Amǝ Mishan 19:26

A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat.

Amǝ Mishan 7:41

A baku mǝno ka à ɓak ɓǝ̀nzál kǝla muna jamnda. À yiu nǝ agirkusǝu, à ɗarǝ nkilia abani, sǝ à pak banɓoarnado nǝ mǝnia yì gir à pe nǝ buia ka.

2 Amǝ Korinti 12:21

E, ɓangciu kǝ pakkam ama ɓǝ̀ ǝn yiu aban wun ɗǝm ngga, Ɓakuli mem nǝ̀ kyauwikiam a ɓadǝm wun. Sǝ ɗǝm ngga ǝn nggǝ ɓangŋa ama mǝ nǝ kum bumkiɗikea amur aɓwana pas ata wun. Aɓwana mǝnana à malaká nying buia arǝ acauɓikea mǝ'e malea mala pǝndǝki rǝarǝu, andǝ kiɗìkì mala nongginǝ-rǝarǝu, andǝ do-kiɗìkì mala gyatarǝu raka.

1 Timoti 4:1

Adyan ngga, Bangŋo Mǝfele kǝ na sǝm bwāng ama a masǝlǝata apwari ka, aɓea aɓwana nǝ̀ pǝlǝì paɓamuru mǝ'mǝsǝcau nì nzǝmia. À nǝ̀ kpata abangŋo mǝ'nyirì andǝ akanigir mǝnana à pur nǝ ban akukwar ka.

Sǝna 15:1

Anzǝm mǝno ka, ǝn sǝn ɓe gir'lǝmndǝa mǝgule andǝ mǝ'pa ndali, puro a kuli. Amǝturonjar na yia tongno-nong-ɓari, mǝnana à ndanǝ masǝlǝata agir yinǝ tanni twal la, mǝnana à nǝ̀ yia lǝmndǝna masǝlǝata bumlulla mǝgule mala Ɓakuli nǝia ka.

Sǝna 16:8

Inea mǝturonjar solǝ gir ɓa tasau male amur pwari, sǝ pwari tita pisǝki aɓwana nǝ bǝsa.

Sǝna 9:19

Rǝcandǝa mala apǝr mǝnia ka nda aɓa kunia andǝ nggilatea; acemǝnana anggilatea ka à nda kǝla an'yau, à ndanǝ rǝcandǝa mala kwarki aɓwana.

Sǝna 9:21

Sǝ ɗǝm ngga à ginǝ pwanzali à nǝ̀ pǝlǝ nzǝmia arǝ pakkiagir malea mala walki-alú, andǝ kpata agirmonzǝo, andǝ kìɗìkì mala nongginǝ rǝarǝu, andǝ iki'an'i.