Sǝna 9:1 - Maləmce Məfele mala Ɓakuli: Kurcau Məbəshe

¹ Lang tongnoia mǝturonjar twang njawe male ka, ǝn sǝn ɓe nlero mǝnana pur nǝ kuli, yi kpa a ɓanza ka. À pe mǝnia yì nlero ka kyî mala mǝn kun tuli-tàtǝkǝtè.

Sǝna 9:1 ပူးပေါင်းရင်းမြစ်များ

Luka 10:18

Pǝlǝa Yesu pea wia eare ama, “Ən sǝn Shetan pur a kuli aban kpa kǝla linzama mala mbulo.

Luka 8:31

Akukwar nì camarǝ zǝmbǝi Yesu ama ɓǝ̀ kǝa tasǝia aɓa tuli-tàtǝkǝtè, yì tuli-bǝsa ɗang.

Amǝ Roma 10:7

Pa nǝ̀ ɗiban gbal ama, “Yana nǝ̀ sulǝ a tanzali, ace mǝnana nǝ̀ ngga loasǝ Kǝrǝsti a ɓembe ka” ɗang?

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 11:7

Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

Sǝna 20:1

Ən sǝn ɓe mǝturonjar mala Ɓakuli puro a kuli aban yiu a nzali. Bwal gir mǝn kun tuli-tàtǝkǝtè andǝ nsolo mǝgule a bui.

Sǝna 20:10

Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.

Sǝna 6:13

sǝ anlero mǝnana a kuli ka, à sukkio a nzali, kǝla amgbangŋa vwari mǝnana gung mǝcande dǝurǝki nggunia, sǝ à sukki a nzali ka.

Sǝna 8:10

Lang tāruia mǝturonjar twang njawe male ka, ɓe nggea nlero mǝgule kasǝa a kuli aban yiu a nzali. Kǝ earki nǝ bǝsa kǝla ɓukan, yi kpa amur banì mwashat aɓalǝ agauwe tārú mala amúr mǝnana aɓalǝ anggeasala andǝ amgbeaɗe ka.

Sǝna 8:12

Anzǝm twang njawe mala inea mǝturonjar ka, Ɓakuli tulkia pwari andǝ zongŋo andǝ anlero, sǝ ace mǝno ka à ɗwanyi banì mwashat aɓalǝ agauwe tārú mala tǎ malea. Sǝ anggo ka banì mwashat aɓalǝ agauwe tārú mala tǎlaban nǝ pwari andǝ du ka à lǝmndǝ ɗang.

Sǝna 8:2

Pǝlǝa ǝn sǝn amǝturonjar tongno-nong-ɓari mǝnana à camnggiyi a ɓadǝm Ɓakuli ka, à pea wia anjawe tongno-nong-ɓari.

Sǝna 9:2

Lang mǝn kun tuli-tàtǝkǝtè ka, kara yele kǝ purki kam kǝla yele mala bǝsa ɓa nda'nggun. Ɓamǝsǝ pwari andǝ bumkuli pǝlǝ pǝndǝa nǝ yele mǝnana kǝ pur aɓa tuli-tàtǝkǝtè ka.