Sǝna 8:7 - Maləmce Məfele mala Ɓakuli: Kurcau Məbəshe

⁷ Lang mǝturonjar mǝdǝmbe twang njawe male ka, kara bǝsa andǝ mǝsǝtali-mbulo, mǝnana kpapi andǝ nkila ka puro, kǝ solo aban yiu a nzali amur ɓanza. Banì mwashat aɓalǝ agauwe tārú mala nzali ka bwal bǝsa; banì mwashat aɓalǝ agauwe tārú mala anggun pi kǝring, sǝ abondo mǝpwale kat ka, à pi kǝring.

Sǝna 8:7 ပူးပေါင်းရင်းမြစ်များ

Jemis 1:11

Ɓǝ̀ pwari ta ka, kǝ pisǝ abondo sǝ pwasǝia kǝ sukkio, ɓoarjam malea kǝ kiɗìkì. Anggo gbal, mǝkume nǝ̀ ueɓà andǝ aturo male.

1 Bitǝrus 1:24

Amur mǝnia ka, à gilǝ ama, “Ɓwapǝndǝa kat ka, à nda kǝla bondo, aɓoarɓwa malea kat ka, à nda kǝla apwasǝo-bondo; bondo kǝ wuli, sǝ pwasǝe kǝ kpa,

Sǝna 12:4

Yì Dǝragon ngga, wuli nggilate pwan banì mwashat aɓalǝ agauwe tārú mala anlero mǝnana a kuli ka, rangsǝia a ɓanza. Sǝ yi came a ɓadǝm mɓwama mǝnana kǝ gbashí ka, ace mǝnana ɓǝ̀ gbashína ani ka nǝ̀ shak muni.

Sǝna 16:2

Nda mǝturonjar mǝdǝmbe puro wario kya solǝ gir ɓa tasau male amur ɓanza, kara anggea npenye-gula amǝɓike andǝ amǝkwanbanì purkio arǝ aɓwana mǝnana à ndanǝ nyoulǝa mala nyamɓikea, sǝ à peri aban ɓǝ̀nzál male ka.

Sǝna 16:21

Amǝsǝtali-mbulo mǝgulke, mǝnana dǝmbǝrya malea na kǝla anggea-taligo ka, à ara a kuli aban yiu amur aɓwana a nzali. Aɓwana kutia bang cau mǝɓane arǝ Ɓakuli ata cau mala mǝnia yì gir yinǝ tanni twal la nǝ mǝsǝtali-mbulo ka, acemǝnana gir nî ɓiki kǝrkǝr.

Sǝna 6:8

Pǝlǝa ǝn sǝni ka, ɓe pǝ̀r mǝ'gwalani puro yi came! Ɓwa mǝnana kwakiyi ka, lullǝi ama Lú, sǝ Domurǝm mala Lú kǝ gya ate tu. Yia Lú andǝ Domurǝm mala Lú ka, à pea wia rǝcandǝa mala pakturo nǝ lwa, andǝ nzala, andǝ kwano, sǝ anyamcandǝa mǝnana a ɓanza ka, ɓǝa kiɗiki banì mwashat aɓa gauwe ine mala ɓanza.

Sǝna 7:1

Anzǝm mǝno ka ǝn sǝn amǝturonjar mala Ɓakuli ine aban came arǝ abumban ine mala ɓanza. À kùr agúng mǝnana à kǝ lo ɓua nǝ abuban ine mala ɓaɓanza ka, ace mǝnana gung ɓǝ̀ kǝa ɓua amur nzali ko nggeamur, ko anggun raka.

Sǝna 9:15

Pǝlǝa à panzǝ amǝturonjar nì ine, mǝnana yia ka à cia nǝ tsǝa aɓa gilǝrǝu ace mǝnia yì bu-pwari mala mǝnia yì pwari, andǝ zongŋo, andǝ pǝlǝa ka. Ado ka à panzǝnia ɓǝa wal-lú banì mwashat aɓalǝ agauwe tārú mala ɓwapǝndǝa kat a ɓanza.

Sǝna 9:18

Amǝnia yia agirpatanni tārú ka: bǝsa andǝ yele andǝ tali solfo mǝ'earke nǝ bǝsa, mǝnana à kǝ pur aɓa kun apǝr mǝno ka, à twalta mwashat aɓalǝ agauwe tārú mala ɓwapǝndǝa kat a ɓanza.

Sǝna 9:4

À nea wia ama ɓǝa kǝa je bondo ko agirpwala ko anggun mala ɓanza, ama à nǝ̀ tākia ɗang. Kǝ aɓwana mǝnana à pànǝ́ nyoulǝa mala parbu mala Ɓakuli a kundǝmbǝia raka, à nda à nǝ̀ tākia ka.