Sǝna 8:3 - Maləmce Məfele mala Ɓakuli: Kurcau Məbəshe

³ Sǝ ɓe mǝturonjar mala Ɓakuli yiu yi came a ɓadǝm gyangŋan mala pisǝ mukugir ace loasǝ yele mǝ'rǝmɓoarne, nǝ tasau zǝnariya a bui, ace loasǝ yele. À pe wi mukugir mala loasǝ yele mǝ'rǝmɓoarne kpǝm ace mǝnana ɓǝ̀ kpapi andǝ ahiwi mala aɓwana mala Ɓakuli kat, sǝ ɓǝ̀ pisǝì, amur gyangŋan zǝnariya mǝnana cam a ɓadǝm bunomurǝm ngga.

Sǝna 8:3 ပူးပေါင်းရင်းမြစ်များ

Luka 1:10

Lang pwari loasǝ yele ace pa ɓoro aban Ɓakuli karǝna ka, ɓwapǝndǝa rambǝa a nza aban pak hiwi.

Amǝ Roma 8:34

Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le?

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Amǝ Ibǝru 9:4

Aɓa mǝnia yì ɓālǝi ka, gyangŋan zǝnariya ace pisǝ muru mǝ'rǝmɓoarne na kam, sǝ akwati mǝnana à tunǝi ama Akwati mala Kurcau Mǝ'e ka. Yì akwati ka à tasǝ ɓālǝi andǝ nzǝmi kat nǝ zǝnariya mǝɓoarne. Aɓa mǝnia yì akwati ka, manna na kam aɓa muna bàng-zǝnariya, sǝ gara mala Haruna mǝnana tò mbui ka. Aɓa yì akwati ɗǝm ngga akpamgbǝlang tali na kam ɓari mǝnana Ɓakuli gilǝ Anzongcau Lum male amuria ka.

Sǝna 10:1

Pǝlǝa ǝn sǝn ɓe kanggǝrangŋa mǝturonjar mala Ɓakuli pur nǝ kuli, kǝ sulǝo aban yiu. Pǝrɓang gumbǝli rǝì sǝ nparing kàrǝì muri. Ɓamǝsǝi tâ kǝla pwari, sǝ agarakusǝi na kǝla atanggea-nggun bǝsa.

Sǝna 14:18

Nyar ɗǝm ngga ɓe mǝturonjar mǝnana nǝ rǝcandǝa amur bǝsa ka, purî ban gyangŋan yi came. Loasǝ gi bang-bang ne mǝturonjar mǝno nǝ nshiri mǝceauwe a bui ka, ama, “Loasǝ nshiri mo, kasǝki adangŋanshi ɓǝla nggun-anap a ɓaban-anap mala ɓanza, acemǝnana aɓǝle ka, à ɓǝlna!”

Sǝna 5:8

Lang angŋǝna malǝmce nî ka, agiryilǝmu mǝno ine andǝ aɓwana-mǝgule lumi-ɓari-nong-ine ka, à sarǝa a nzali a ɓadǝm Mǝgam. Koyana atea ka ndanǝ zangŋan, sǝ à bwal atasau zǝnariya a buia mǝnana à lumsǝia nǝ mukugir ace loasǝ yele mǝ'rǝmɓoarne ka; yì mukugir mala loasǝ yele mǝ'rǝmɓoarne ka nda ahiwi mala aɓwana mala Ɓakuli.

Sǝna 6:9

Lang Mǝgam fasǝ tongnoia gbatali myang ngga, kara ǝn sǝn ayilǝmi aɓwana aban rambǝa aɓata gyangŋan-ɗarǝa; aɓwana mǝnana à wal-luia ace earnǝ cau mala Ɓakuli andǝ bangŋe aban aɓwana ka.

Sǝna 7:2

Pǝlǝa ǝn sǝn ɓe mǝturonjar aban eauwe a kuli nǝ njartakuli, nǝ gbǝlman-parbu mala Ɓakuli mǝyilǝmuì a bui. Loasǝ gi bang-bang na cau nǝ amǝturonjar mǝno ine ka, yia mǝnana Ɓakuli pania wia rǝcandǝa ɓǝa kiɗiki nzali andǝ nggeamur ka, ama,

Sǝna 8:4

Yele mala mukugir mǝ'rǝmɓoarne mǝnana kǝ lo a bu mǝturonjar ka, kpapya andǝ ahiwi mala aɓwana mala Ɓakuli, sǝ à eauwe aban ká aban Ɓakuli.

Sǝna 8:5

Pǝlǝa mǝturonjar twal tasau mala mukugir mǝ'rǝmɓoarne, lumsǝì nǝ nkalang-bǝsa mǝnana pwan aɓa bǝsa mǝnana amur gyangŋan ngga, sǝ nyesǝi turí, mesǝke aban yiu a nzali a ɓanza. Kara mgbarangce sàkkya, tǎlaban liki'nzama, sǝ nzali dǝurǝkio.

Sǝna 9:13

Tongno-nong-mwashatia mǝturonjar twang njawe male. Pǝlǝa ǝn ok giu pur nǝ kun anjawe mala gyangŋan zǝnariya mǝnana nda aban came a ɓadǝm Ɓakuli ka.