Sǝna 8:12 - Maləmce Məfele mala Ɓakuli: Kurcau Məbəshe

¹² Anzǝm twang njawe mala inea mǝturonjar ka, Ɓakuli tulkia pwari andǝ zongŋo andǝ anlero, sǝ ace mǝno ka à ɗwanyi banì mwashat aɓalǝ agauwe tārú mala tǎ malea. Sǝ anggo ka banì mwashat aɓalǝ agauwe tārú mala tǎlaban nǝ pwari andǝ du ka à lǝmndǝ ɗang.

Sǝna 8:12 ပူးပေါင်းရင်းမြစ်များ

Matiu 24:29

Tu àkǝ̀ nzǝm tanni mǝnana aɓalǝ amǝno yì anonggeo ka, “Pǝndǝa nǝ̀ gir ɓamǝsǝ pwari, sǝ zongŋo ka pà nǝ̀ ta ɗǝm ɗang; anlero nǝ̀ puri kuli à nǝ̀ kpa, sǝ arǝcandǝa mǝnana a bumkuli ka à nǝ̀ dǝurǝkio.”

Matiu 27:45

Nǝ bu-pwari lum-nong-ɓari mala pwari ka kara pǝndǝa yi gir ban, yi pur a bu-pwari tārú.

Markus 13:24

Aɓalǝ amǝno yia anonggeo anzǝm nggea tanni ka, À nǝ̀ kongsǝ pwari aɓa pǝndǝa. Sǝ zongŋo ka pà nǝ̀ ta ɗang.

Markus 15:33

Lang pwari zǝkina ka, pǝndǝa yi gir ban kat bwal bu-pwari tārú mala pwarikpǝra.

Luka 21:25

Agir-lǝmndǝa nǝ̀ purkio aɓa pwari, andǝ zongŋo andǝ anlero. A ɓanza ka ɓwapǝndǝa kat nǝ̀ do nǝ ɓalǝkasǝkya andǝ gakia mala ɗenyicau, à nǝ̀ pǝlǝ nǝ ɓalǝia ɓà nǝ ɓangciu arǝ songnǝo mala nggeamur andǝ eaki-nkono male.

Amǝ Mishan 2:20

Pwari nǝ̀ pǝlǝ pǝndǝa, sǝ zongŋo nǝ̀ pǝlǝ mǝbangŋe kǝla nkila, sǝ Pwari Mǝgule andǝ Mǝɓoarɓwe mala Mǝtalabangŋo nǝ̀ yia tusǝo.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Sǝna 12:4

Yì Dǝragon ngga, wuli nggilate pwan banì mwashat aɓalǝ agauwe tārú mala anlero mǝnana a kuli ka, rangsǝia a ɓanza. Sǝ yi came a ɓadǝm mɓwama mǝnana kǝ gbashí ka, ace mǝnana ɓǝ̀ gbashína ani ka nǝ̀ shak muni.

Sǝna 16:10

Tongnia mǝturonjar solǝ gir ɓa tasau male amur bunomurǝm mala nyamɓikea. Kara pǝndǝa gir ɓamǝsǝ domurǝm male, sǝ aɓwana mǝnana aɓata domurǝm male ka, à nǝmnggi minǝia ace kwanban mǝnana sulǝo amuria ka.

Sǝna 6:12

Mǝ ndarǝ sǝne sǝ Mǝgam fasǝ tongno-nong-mwashatia gbatali myang. Kara nzali dǝurǝki kǝrkǝr. Pwari twalo pǝndǝ cikcik kǝla nggurbyau pǝndǝa, zongŋo pǝlǝ mǝbangŋe kǝla nkila,

Sǝna 9:15

Pǝlǝa à panzǝ amǝturonjar nì ine, mǝnana yia ka à cia nǝ tsǝa aɓa gilǝrǝu ace mǝnia yì bu-pwari mala mǝnia yì pwari, andǝ zongŋo, andǝ pǝlǝa ka. Ado ka à panzǝnia ɓǝa wal-lú banì mwashat aɓalǝ agauwe tārú mala ɓwapǝndǝa kat a ɓanza.

Sǝna 9:18

Amǝnia yia agirpatanni tārú ka: bǝsa andǝ yele andǝ tali solfo mǝ'earke nǝ bǝsa, mǝnana à kǝ pur aɓa kun apǝr mǝno ka, à twalta mwashat aɓalǝ agauwe tārú mala ɓwapǝndǝa kat a ɓanza.