Sǝna 7:4 - Maləmce Məfele mala Ɓakuli: Kurcau Məbəshe

⁴ Pǝlǝa ǝn oe à na lakki mala aɓwana mǝnana à tsǝkia wia nyoulǝa mala parbu amuria ka; aɓwana á-gbǝman-mwashat nǝ á-lumi-ine-nong-ine [144,000], aɓalǝ atau mala amǝ Isǝrayila.

Sǝna 7:4 ပူးပေါင်းရင်းမြစ်များ

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Luka 14:22

Pǝlǝa guro nyare yi ne wi ama, “Ɓwamǝgule, gir mǝnana a na ce ka à pangŋǝni, sǝ cili ban nakam.”

Luka 22:30

Wu nǝ̀ li sǝ wu nǝ̀ nu atam a Domurǝm mem, sǝ wu nǝ̀ do amur abuno-murǝm aban ɓashia atau mala Amǝ Isǝrayila mǝnia lum-nong-ɓari ka.

Amǝ Mishan 26:7

Mǝnia ka nda kǝ gir mǝnana atau ma'sǝm lum-nong-ɓari mala amǝ Isǝrayila tsǝk ɓalǝia aban kúndǝo à nǝ̀ sǝn lumsǝo male ka. Nda tsǝa sǝ à kǝ peri a ɓadǝm Ɓakuli du andǝ pwari nǝ rǝɓǝla ka. Ɓǝ̀ rǝo pwalo Murǝm, kat andǝ mǝno ka, à tsǝkam acau a rǝam, à yinǝ mim aban ɓashi ace bwal mǝnia yì tsǝkɓalǝu ka!

Amǝ Roma 9:27

Ishaya ɓua ace amǝ Isǝrayila ama: “Ko ɓǝà na ama lakki mala amǝ Isǝrayila ka nda kǝla sala a kun nggeamur ka, kǝ bǝti aɓalǝia nda à nǝ̀ kum auwa ka.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

Sǝna 14:1

Lang ǝn soa mǝsǝam ngga, ǝn sǝn Mǝgam aban came amur Nkono Siyona andǝ aɓwana á-gbǝman mwashat nǝ á-lumi-ine bwamdǝ ine [144,000] ate, aɓwana mǝnana à gilǝnia wia lullǝi andǝ lullǝ Tarrí a kundǝmbǝia ka.

Sǝna 14:3

Aɓwana mǝno á-gbǝman mwashat nǝ á-lumi-ine bwamdǝ ine ka, à ndarǝ tu bǝsa nggyal a ɓadǝm bunomurǝm, andǝ ɓadǝm agiryilǝmu ine andǝ aɓwana-mǝgule. Kǝ ɓwa pà kàm gandǝ kani mǝno yì nggyal ka ɗang, she kǝ yia mǝno á-gbǝman mwashat nǝ á-lumi-ine bwamdǝ ine, mǝnana à akmuria aɓa ɓanza ka.

Sǝna 7:5

Aɓa tau mala Yahuda ka, aɓwana á-lum-nong-ɓari na à tsǝkia wia nyoulǝa mala parbu ka. Aɓa tau mala Ruben ngga aɓwana á-lum-nong-ɓari na. Aɓa tau mala Gad ka aɓwana á-lum-nong-ɓari na.

Sǝna 9:16

Ən ok ɓeɓwa banggam lakki mala amǝpǝ̀r mǝnana atea anzǝm apǝr aban ká munǝo ka ama à nda milǝyan-gbǝman-ɓari.