Sǝna 7:1 - Maləmce Məfele mala Ɓakuli: Kurcau Məbəshe

¹ Anzǝm mǝno ka ǝn sǝn amǝturonjar mala Ɓakuli ine aban came arǝ abumban ine mala ɓanza. À kùr agúng mǝnana à kǝ lo ɓua nǝ abuban ine mala ɓaɓanza ka, ace mǝnana gung ɓǝ̀ kǝa ɓua amur nzali ko nggeamur, ko anggun raka.

Sǝna 7:1 ပူးပေါင်းရင်းမြစ်များ

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Markus 13:27

Sǝ nǝ̀ tasǝ amǝturonjar male ɓǝa yi ramnggi aɓwana male mǝnana tarkia ka aɓa ɓanza kat; nǝ takuli, nǝ njarnzali, nǝ njartamur, sǝ nǝ njarnza, arǝ aban kat, aban ká a nzong kun ɓanza andǝ kuli.

Sǝna 20:8

Nǝ̀ o nǝ̀ ngga swarki aɓwana mala anzali, à nǝ̀ purkio arǝ abuban aɓa ɓanza kat, mǝnana à dapi kat ka, à tunǝia ama Gog andǝ Magog. Shetan nǝ̀ ngga rambǝia abanɓwáná ace ká lwa; lakki malea ka ɓallè pà kàm ɗang, kǝla lakki mala amǝsǝsala a kun nggeamur.

Sǝna 6:6

Pǝlǝa ǝn ok giu kǝla pur nǝban agiryilǝmu mǝno ine ka. Na ama, “Tasau mwashat mala muku yare ka, nda à nǝ̀ pǎ nda tangnakusǝu mala turo pwari mwashat ka. Sǝ tasau tārú mala muku kauri ka, nda à nǝ̀ pǎ nda tangnakusǝu mala turo pwari mwashat ka. Sǝ ce wu kiɗiki muru andǝ mùr-anap ɗang!”

Sǝna 7:3

“Wu came! Wu kǝa na ama wu nǝ̀ je nzali ko nggeamur ko anggun ama wu nǝ̀ kiɗikia ɗang, she ɓǝ̀ sǝm tsǝngŋǝni aguro mala Ɓakuli ma'sǝm nyoulǝa mala parbu a kundǝmbǝia ka.”

Sǝna 8:7

Lang mǝturonjar mǝdǝmbe twang njawe male ka, kara bǝsa andǝ mǝsǝtali-mbulo, mǝnana kpapi andǝ nkila ka puro, kǝ solo aban yiu a nzali amur ɓanza. Banì mwashat aɓalǝ agauwe tārú mala nzali ka bwal bǝsa; banì mwashat aɓalǝ agauwe tārú mala anggun pi kǝring, sǝ abondo mǝpwale kat ka, à pi kǝring.

Sǝna 9:14

Kǝ ne tongno-nong-mwashatia mǝturonjar mǝnana nǝ njawe a bui ka ama, “Panzǝ amǝturonjar ine mǝnana à kùria a kun Nggeasala Yiufǝretis mǝgule ka.”

Sǝna 9:4

À nea wia ama ɓǝa kǝa je bondo ko agirpwala ko anggun mala ɓanza, ama à nǝ̀ tākia ɗang. Kǝ aɓwana mǝnana à pànǝ́ nyoulǝa mala parbu mala Ɓakuli a kundǝmbǝia raka, à nda à nǝ̀ tākia ka.