Sǝna 6:2 - Maləmce Məfele mala Ɓakuli: Kurcau Məbəshe

² Pǝlǝa ǝn soa mǝsǝam, kara ǝn sǝn pǝ̀r mǝpwasǝe a ɓadǝmbǝam aban came! Ɓwa mǝnana a nzǝmi kwakiyi ka, ndanǝ nta a bui. À oasǝi wi jeko amuri, sǝ puro kǝ tswaki aban ká kǝla mǝlimurǝm mana she nǝ̀ limurǝm arǝa lwa ka.

Sǝna 6:2 ပူးပေါင်းရင်းမြစ်များ

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

1 Amǝ Korinti 15:25

Acemǝnana dumǝna púp, Kǝrǝsti nǝ̀ duk murǝm, she ɓǝ̀ Ɓakuli nyesǝna aɓimǝbura kat a ɓakusǝi ka.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 11:18

Aɓwana arǝ anzali pak bumlulla, sǝ ado gbal ka, pwari mala bumlulla mo yina. Pwari pangŋǝna mǝnana a wu nǝ pakki alú ɓashi nǝi ka. Sǝ aguro mo, amǝ'ɓangna ka, a wu nǝ pea wia tangnakusǝia. Yia andǝ aɓwana mo amǝfele, andǝ aɓwana kat, ɓwa mǝkyauwe andǝ ɓwa mǝgule, amǝnana à kǝ ɓanggo aɓa pagulo ka. Pwari yina mǝnana a wu nǝ kiɗiki aɓwana mǝnana à kǝ kiɗiki ɓanza ka.”

Sǝna 14:14

Mǝ nda rǝ sǝnban ngga, ǝn sǝn pǝrɓang mǝpwasǝe yi puro andǝ ɓeɓwa kǝla Muna mala Ɓwa aban do amuri. Ndanǝ jeko zǝnariya amuri sǝ bwal nshiri mǝceauwe a bui.

Sǝna 15:2

Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 19:14

Amǝ'lwa mala kuli, mǝnana à tur adaura pwasǝa mala nggurbyau linen a rǝia ka, à puro anzǝm apǝr mǝpwasǝke, sǝ à kǝ yiu ate.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.

Sǝna 9:7

Amǝnia yia adoshi ka, à nda kǝla apǝr mǝnana à gilǝkia ace ká munǝo ka. À ndanǝ agir a ɓamuria kǝla ambulan zǝnariya, sǝ aɓamǝsǝia na kǝla ɓamǝsǝ ɓwapǝndǝa.