Sǝna 6:16 - Maləmce Məfele mala Ɓakuli: Kurcau Məbəshe

¹⁶ À ɓuaki arǝ ankono andǝ atali ama, “Wu kpa amur sǝm, wu sǝmbǝrǝ sǝm ace mǝnana Yì ɓwa mana do amur bunomurǝm ngga, ɓǝ̀ kǝa sǝn sǝm ɗang, sǝ ɓǝ̀ sǝm api bumlulla mǝɓike mala Mǝgam!

Sǝna 6:16 ပူးပေါင်းရင်းမြစ်များ

Matiu 26:64

Yesu eare ama, “E, kǝ nda a bang ngga, sǝ ǝn nggǝ bangga wun kat, “ ‘A dǝmbǝa ka wu nǝ̀ sǝn Muna mala Ɓwa dumǝna ata bu-mǝli mala Ɓakuli Mǝtalabangŋo, aban yiu aɓalǝ apǝrɓang a bumkuli.’”

Markus 3:5

Pǝlǝ rǝì anggo sǝnia nǝ bumlulla, nǝ bumkiɗikea kǝrkǝr arǝ murcandǝa malea, pǝlǝa ne mǝkwano ama, “Sarǝ buo.” Lang mǝrǝkwana sarǝ bui ka, kara rǝì mala, bui nyarǝna pangŋǝna pepe!

Luka 23:30

A pwari mǝno ka, “Aɓwana nǝ̀ ne ankono mǝdārike ama, ‘Wu kpa amur sǝm!’ Sǝ à nǝ̀ ne amuna nkono ama, ‘Wu kumsǝo amur sǝm!’ ”

Sǝna 10:6

sǝ kángir nǝ lullǝ Ɓakuli. Kángir nǝ lullǝ Ɓakuli mǝnana nǝ yilǝmu mana masǝlǝate pà kàm raka, mǝnana pusǝ kuli, andǝ nzali, andǝ nggeamur, andǝ agir mǝnana aɓalǝia kat ka. Pǝlǝa mǝturonjar na ama, “Pwari pà kàm ɗǝm ɗang!

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.

Sǝna 20:11

Sǝ ǝn sǝn nggea bunomurǝm mǝpwasǝe andǝ ɓwa mǝnana do amuri ka. Nzali andǝ kuli ɓanggi ɓadǝmbǝi, à o à kya ndǝrmikea, ko à nyare à sǝnia ɗǝm ɗang.

Sǝna 4:2

Kara Bangŋo mala Ɓakuli em. Ən sǝn bunomurǝm a kuli andǝ ɓeɓwa aban do amuri.

Sǝna 4:5

Liki'nzama mala tǎlaban, sǝ akia mala agiu andǝ sàkkya mala mgbarangce ka, kǝ pur nǝban bunomurǝm nì. A ɓadǝm bunomurǝm nì ka aɓukan nakam tongno-nong-ɓari à kǝ earke nǝ bǝsa. Amǝnia ka, à ndaka bangŋo tongno-nong-ɓari mala Ɓakuli.

Sǝna 4:9

Agiryilǝmu nì lidǝmbǝa nǝ pa ɓwangsǝban, andǝ gulo andǝ yàwá aban ɓwa mǝnana do amur bunomurǝm, mǝnana ndanǝ yilǝmu mana málá male pà kàm raka.

Sǝna 5:1

Aɓa bu-mǝli mala Yì ɓwa mǝnana do amur bunomurǝm ngga, ǝn sǝn ɓe malǝmce mana à kǝ̀ karì ka, mǝnana à gilǝ cau kam ɓālǝi andǝ nzǝmi, sǝ à lanzǝ kuni nǝ agbatali myang arǝ abanì tongno-nong-ɓari ka.

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”

Sǝna 9:6

Aɓalǝ azongŋo mǝno tongno ka, ɓwapǝndǝa nǝ alta lú, sǝ à pà nǝ̀ kumi ɗang; à nǝ̀ sham ce wu, sǝ lú ka, nǝ̀ upia wia kuko.