Sǝna 6:12 - Maləmce Məfele mala Ɓakuli: Kurcau Məbəshe

¹² Mǝ ndarǝ sǝne sǝ Mǝgam fasǝ tongno-nong-mwashatia gbatali myang. Kara nzali dǝurǝki kǝrkǝr. Pwari twalo pǝndǝ cikcik kǝla nggurbyau pǝndǝa, zongŋo pǝlǝ mǝbangŋe kǝla nkila,

Sǝna 6:12 ပူးပေါင်းရင်းမြစ်များ

Matiu 11:21

Wun amǝ Korazin, ban nǝ ɓikea wun! Wun amǝ Beseda, ban nǝ ɓikea wun! Ɓǝ̀ ama agir-ndali mǝnana ǝn pea aɓalǝ ala ma'wun ngga à nda ǝn pea arǝ ala mala amǝ Taya andǝ amǝ Sidon ngga, ɓǝa oasǝkina asangginagir a rǝia sǝ à songŋǝna tú amuria ɗiɗyal mana nǝ̀ lǝmndǝ ama à nyingŋǝna acauɓikea malea ka.

Matiu 24:29

Tu àkǝ̀ nzǝm tanni mǝnana aɓalǝ amǝno yì anonggeo ka, “Pǝndǝa nǝ̀ gir ɓamǝsǝ pwari, sǝ zongŋo ka pà nǝ̀ ta ɗǝm ɗang; anlero nǝ̀ puri kuli à nǝ̀ kpa, sǝ arǝcandǝa mǝnana a bumkuli ka à nǝ̀ dǝurǝkio.”

Matiu 24:7

Nzali nǝ ká lwa arǝ ɓe nzali. Murǝm nǝ̀ ká lwa arǝ ɓe murǝm. Nzala andǝ dǝurǝo mala nzali nǝ pa arǝ aban ɗàngɗáng aɓa ɓanza.

Matiu 27:45

Nǝ bu-pwari lum-nong-ɓari mala pwari ka kara pǝndǝa yi gir ban, yi pur a bu-pwari tārú.

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Matiu 28:2

Lang ngga, kara nzali dǝurǝo kǝrkǝr. Mǝturonjar mala Mǝtalabangŋo pur a kuli yi sulǝo, ramta tali mana à girna kun ɓembe nǝi ka, pǝlǝa do amuri.

Markus 15:33

Lang pwari zǝkina ka, pǝndǝa yi gir ban kat bwal bu-pwari tārú mala pwarikpǝra.

Sǝna 11:13

Aɓa kǝ bu-pwari mǝno ka, nggea dǝurǝo mala nzali mǝkǝrkǝr nì kumban, mǝnana kiɗiki banì mwashat aɓa gauwe lum mala nggeala, sǝ wal ɓwapǝndǝa á-tongno-nong-ɓari ka. Cili ɓwapǝndǝa ka, ɓangciu pakkia wia kǝrkǝr sǝ à ɓwangsǝ gulo mala Ɓakuli mǝnana a kuli ka.

Sǝna 16:18

Kara tǎlaban liki'nzama, mgbarangce sàkkya, agiu akya, sǝ nzali dǝurǝki kǝrkǝr. Ulang mǝno yì dǝurǝkya mala nzali ka, malaká kumban àkǝ̀ fara aɓa do mala ɓwapǝndǝa a ɓanza ɗang.

Sǝna 16:8

Inea mǝturonjar solǝ gir ɓa tasau male amur pwari, sǝ pwari tita pisǝki aɓwana nǝ bǝsa.

Sǝna 8:12

Anzǝm twang njawe mala inea mǝturonjar ka, Ɓakuli tulkia pwari andǝ zongŋo andǝ anlero, sǝ ace mǝno ka à ɗwanyi banì mwashat aɓalǝ agauwe tārú mala tǎ malea. Sǝ anggo ka banì mwashat aɓalǝ agauwe tārú mala tǎlaban nǝ pwari andǝ du ka à lǝmndǝ ɗang.

Sǝna 8:5

Pǝlǝa mǝturonjar twal tasau mala mukugir mǝ'rǝmɓoarne, lumsǝì nǝ nkalang-bǝsa mǝnana pwan aɓa bǝsa mǝnana amur gyangŋan ngga, sǝ nyesǝi turí, mesǝke aban yiu a nzali a ɓanza. Kara mgbarangce sàkkya, tǎlaban liki'nzama, sǝ nzali dǝurǝkio.