Sǝna 6:10 - Maləmce Məfele mala Ɓakuli: Kurcau Məbəshe

¹⁰ À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”

Sǝna 6:10 ပူးပေါင်းရင်းမြစ်များ

Luka 2:29

“A dyan ngga we Mǝtalabangŋo mǝnana a Karban kat ka, nying guro mo ɓǝ̀ o aɓa rǝpwala, kǝla mana a bang ngga.

Luka 21:22

Acemǝnana mǝnia yì pwari ka mala mbweban nutanni na, ace lumsǝ agir mǝnana kat à gilǝì aɓa Malǝmce mala Ɓakuli ka.

Amǝ Roma 12:19

Wun amǝ'eambǝam mǝnana ǝn earkiyicea ka, wu kǝa pak mǝɓane a kun mǝɓane mǝnana à pakka wun ngga ɗang. Wu nyinggi Ɓakuli mbwe tangnakusǝu aɓa ɓashi male. Acemǝnana Mǝtalabangŋo bangŋa aɓa Malǝmce ama, “Mbweban a kuni ka mem na, mǝ nǝ mbwe.”

Amǝ Ibǝru 12:24

Wu yina aban Yesu, yì ɓwa mǝnana nda mǝkutio a nre-rǝarǝu mala bǝsa kurcau a nre Ɓakuli andǝ aɓwana male ka. Wu yina aban yì nkila à watsǝki, mǝnana kǝ bangcau mǝɓoarne kuti mala nkila mala Habila ka.

2 Bitǝrus 2:1

Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

Sǝna 11:18

Aɓwana arǝ anzali pak bumlulla, sǝ ado gbal ka, pwari mala bumlulla mo yina. Pwari pangŋǝna mǝnana a wu nǝ pakki alú ɓashi nǝi ka. Sǝ aguro mo, amǝ'ɓangna ka, a wu nǝ pea wia tangnakusǝia. Yia andǝ aɓwana mo amǝfele, andǝ aɓwana kat, ɓwa mǝkyauwe andǝ ɓwa mǝgule, amǝnana à kǝ ɓanggo aɓa pagulo ka. Pwari yina mǝnana a wu nǝ kiɗiki aɓwana mǝnana à kǝ kiɗiki ɓanza ka.”

Sǝna 18:20

Wun mǝnana wu ndanǝ do a kuli ka, wu pak banɓoarnado amuri! Wun aɓwana mala Ɓakuli, andǝ amǝ'mishan, andǝ amǝ'ɓangna mala Ɓakuli, wu pak banɓoarnado. Acemǝnana Ɓakuli pangŋǝni wi ɓashi ace kǝ wun.’ ”

Sǝna 18:24

Aɓa nggeala Babila ka, à kum nkila mala amǝ'ɓangna mala Ɓakuli, andǝ mala aɓwana mala Ɓakuli, andǝ aɓwana kat mǝnana à wal-luia a ɓanza ka.”

Sǝna 19:2

Aɓashi male ka, kǝ pea aɓa mǝsǝcau andǝ kpate a nzongŋi. Pangŋǝ́nì man'gyatarǝu mǝgule ɓashi; yì man'gyatarǝu ka nda kiɗiki ɓanza nǝ ɓealǝu mǝɓane male mala gyatarǝu aban nonggi nǝ aburana ka. Ɓakuli pangŋǝ́nì wi mǝɓane a kunì walo mǝnana wal-lú aguro male ka.”

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.