Sǝna 4:9 - Maləmce Məfele mala Ɓakuli: Kurcau Məbəshe

⁹ Agiryilǝmu nì lidǝmbǝa nǝ pa ɓwangsǝban, andǝ gulo andǝ yàwá aban ɓwa mǝnana do amur bunomurǝm, mǝnana ndanǝ yilǝmu mana málá male pà kàm raka.

Sǝna 4:9 ပူးပေါင်းရင်းမြစ်များ

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Amǝ Ibǝru 7:8

Apǝris mǝnana a tau mala Lawi, mǝnana à akiyi mwashat-aɓa-lum ngga, aɓwapǝndǝa na mǝnana à kǝ wu ka; sǝ mala Melkizedek mǝnana ak mwashat-aɓa-lum a bu Ibǝrayim ngga, à bangŋǝna ama yì ka, ndakam nǝ yilǝmu.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 10:6

sǝ kángir nǝ lullǝ Ɓakuli. Kángir nǝ lullǝ Ɓakuli mǝnana nǝ yilǝmu mana masǝlǝate pà kàm raka, mǝnana pusǝ kuli, andǝ nzali, andǝ nggeamur, andǝ agir mǝnana aɓalǝia kat ka. Pǝlǝa mǝturonjar na ama, “Pwari pà kàm ɗǝm ɗang!

Sǝna 15:7

Mwashat ata agiryilǝmu nì ine ka, yiu yi pè ko yan ata amǝturonjar mǝno tongno-nong-ɓari ka, tasau mǝnana a tùlli nǝ zǝnariya ka. Amǝnia yia atasau ka, à lumsǝkia nǝ bumlulla mala Ɓakuli mana ndanǝ yilǝmu, málá male pà kàm raka.

Sǝna 21:5

Sǝ ɓwa mǝno do amur bunomurǝm ngga bangŋa ama: Wu sǝni, mǝ ndo mǝ nǝ nyesǝ agir kat à nǝ̀ pǝlǝ bǝshe! Pǝlǝa na ɗǝm ama: Gilǝ cau mǝnia ka, acemǝnana cau na, à nǝ̀ earnǝi, sǝ mǝsǝcau na.

Sǝna 4:2

Kara Bangŋo mala Ɓakuli em. Ən sǝn bunomurǝm a kuli andǝ ɓeɓwa aban do amuri.

Sǝna 4:8

Ko mǝye na ata mǝnia yì agiryilǝmu ka ndanǝ abu-nyal tongno-nong-mwashat. Rǝia kat ka lumsǝ nǝ amǝsǝu a ɓalǝu andǝ nza. Du andǝ pwari à usǝlǝki ɗang, à nda mur tu nggyal ama, “Mǝfele, Mǝfele, Mǝfele nda Mǝtalabangŋo Ɓakuli mana Karmur Gulo kat, mana ndakam ɗiɗyal, ndakam ado, sǝ nda kǝ yiu ka.”

Sǝna 5:1

Aɓa bu-mǝli mala Yì ɓwa mǝnana do amur bunomurǝm ngga, ǝn sǝn ɓe malǝmce mana à kǝ̀ karì ka, mǝnana à gilǝ cau kam ɓālǝi andǝ nzǝmi, sǝ à lanzǝ kuni nǝ agbatali myang arǝ abanì tongno-nong-ɓari ka.

Sǝna 6:16

À ɓuaki arǝ ankono andǝ atali ama, “Wu kpa amur sǝm, wu sǝmbǝrǝ sǝm ace mǝnana Yì ɓwa mana do amur bunomurǝm ngga, ɓǝ̀ kǝa sǝn sǝm ɗang, sǝ ɓǝ̀ sǝm api bumlulla mǝɓike mala Mǝgam!

Sǝna 7:15

“Nda tsǝa sǝ à came a ɓadǝm bunomurǝm mala Ɓakuli sǝ à kǝ pakki wi turoperi, du andǝ pwari, aɓa Ndàmǝgule male; sǝ Yì ɓwa mǝnana do amur bunomurǝm ngga, nǝ̀ dupia wia tara amuria.