Sǝna 4:2 - Maləmce Məfele mala Ɓakuli: Kurcau Məbəshe

² Kara Bangŋo mala Ɓakuli em. Ən sǝn bunomurǝm a kuli andǝ ɓeɓwa aban do amuri.

Sǝna 4:2 ပူးပေါင်းရင်းမြစ်များ

Matiu 22:43

Yesu nea wia ama, “Ɓǝ̀ muna mala Dauda na ka, palang sǝ Dauda, nǝ́ kanì mala Bangŋo mala Ɓakuli a bumi ka, tunǝi ama ‘Mǝtalabangŋo?’ Acemǝnana yì Dauda ka bangŋa ama,

Amǝ Ibǝru 8:1

Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

Sǝna 1:10

A pwari mǝnana à tarì ace Mǝtalabangŋo ka, Bangŋo mala Ɓakuli em, kara ǝn ok ɓe kǝ giu mǝcande kǝla ɓua mala njawe, a nzǝmam.

Sǝna 12:5

Mɓwame gbashi muna ɓwabura mǝnana nǝ̀ yal aɓwana kat a ɓanza nǝ gara bolo ka. Sǝ muna ka, Ɓakuli fwe, twali um nǝi a baní, kya dumsǝi ate amur bunomurǝm male.

Sǝna 17:3

Pǝlǝa mǝturonjar twalam aɓa bangŋo um nǝ mim a njarnza. Akano ka ǝn sǝn mɓwama aban do anzǝm nyamɓikea mǝbangŋe mǝnana ndanǝ aɓamuru tongno-nong-ɓari andǝ anjawe lum, andǝ alullǝu sangban arǝ Ɓakuli, mǝnana à gilǝia a rǝì kat ka.

Sǝna 19:4

Aɓwana mǝgule lumi-ɓari-nong-ine andǝ agiryilǝmu ka, à sarǝa a nzali aban peri a ɓadǝm Ɓakuli mǝnana do amur bunomurǝm ngga. À loasǝ gia à bangŋa ama: “Amin, Haliluya!”

Sǝna 20:11

Sǝ ǝn sǝn nggea bunomurǝm mǝpwasǝe andǝ ɓwa mǝnana do amuri ka. Nzali andǝ kuli ɓanggi ɓadǝmbǝi, à o à kya ndǝrmikea, ko à nyare à sǝnia ɗǝm ɗang.

Sǝna 21:10

Pǝlǝa twalam aɓa rǝcandǝa mala bangŋo, um nǝ mim amúr ɓe nkono mǝgule mǝnana nggea mǝdāre na ka, sǝ lǝmndǝam Nggeala Mǝfele, Urǝshalima. Ən sǝni puro aban Ɓakuli a kuli, sǝ kǝ sulǝo aban yiu.

Sǝna 21:5

Sǝ ɓwa mǝno do amur bunomurǝm ngga bangŋa ama: Wu sǝni, mǝ ndo mǝ nǝ nyesǝ agir kat à nǝ̀ pǝlǝ bǝshe! Pǝlǝa na ɗǝm ama: Gilǝ cau mǝnia ka, acemǝnana cau na, à nǝ̀ earnǝi, sǝ mǝsǝcau na.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.

Sǝna 4:10

Aɓa mǝno anggo ka aɓwana-mǝgule lumi-ɓari-nong-ine gbal ka, à nǝ̀ kpa a nzali a ɓadǝm ɓwa mǝnana do amur bunomurǝm ngga. À nǝ̀ peri abani, yì ɓwa mana ndanǝ yilǝmu mana málá male pà kàm raka. Lang ɓǝ̀ à nda aɓa peri anggo ka, à nǝ̀ nongsǝ ambulan-murǝm malea a ɓadǝm bunomurǝm nì sǝ à nǝ̀ bangŋa ama:

Sǝna 4:5

Liki'nzama mala tǎlaban, sǝ akia mala agiu andǝ sàkkya mala mgbarangce ka, kǝ pur nǝban bunomurǝm nì. A ɓadǝm bunomurǝm nì ka aɓukan nakam tongno-nong-ɓari à kǝ earke nǝ bǝsa. Amǝnia ka, à ndaka bangŋo tongno-nong-ɓari mala Ɓakuli.

Sǝna 4:9

Agiryilǝmu nì lidǝmbǝa nǝ pa ɓwangsǝban, andǝ gulo andǝ yàwá aban ɓwa mǝnana do amur bunomurǝm, mǝnana ndanǝ yilǝmu mana málá male pà kàm raka.

Sǝna 5:1

Aɓa bu-mǝli mala Yì ɓwa mǝnana do amur bunomurǝm ngga, ǝn sǝn ɓe malǝmce mana à kǝ̀ karì ka, mǝnana à gilǝ cau kam ɓālǝi andǝ nzǝmi, sǝ à lanzǝ kuni nǝ agbatali myang arǝ abanì tongno-nong-ɓari ka.

Sǝna 5:13

Pǝlǝa ǝn ok agir kat mǝnana Ɓakuli pusǝia ka, amǝnana a kuli ka, andǝa mǝnana a nzali ka, andǝa mǝnana a tǝta nzali ka, andǝa mǝnana a tamur ka, aban ɓwangsǝki Ɓakuli. À tu'nggyal ama: “Ɓwangsǝban andǝ gulo, andǝ ɓoarɓwa, andǝ rǝcandǝa ka, ɓǝa pe Yì ɓwa mǝnana do amur bunomurǝm ngga sǝ ɓǝa pe Mǝgam, málá male pà kàm ɗang!”

Sǝna 6:16

À ɓuaki arǝ ankono andǝ atali ama, “Wu kpa amur sǝm, wu sǝmbǝrǝ sǝm ace mǝnana Yì ɓwa mana do amur bunomurǝm ngga, ɓǝ̀ kǝa sǝn sǝm ɗang, sǝ ɓǝ̀ sǝm api bumlulla mǝɓike mala Mǝgam!