Sǝna 3:8 - Maləmce Məfele mala Ɓakuli: Kurcau Məbəshe

⁸ Ən surǝ aturo mo. Sǝni ǝn mǝnbǝno kunkurǝm a ɓadǝmbǝo mǝnana kǝɓwa kārǝa nǝ̀ gìrì raka. Ən sǝlǝna ama rǝcandǝa mo na bǝti, sǝ kat andǝ amǝno ka, a bwal cau mem, a kpate, sǝ a ginǝce lullǝam ɗang.

Sǝna 3:8 ပူးပေါင်းရင်းမြစ်များ

Luka 12:9

Sǝ ɓwa mǝnana kat makgir surǝam a ɓadǝm ɓwapǝndǝa ka, mǝ nǝ makgir surǝe gbal a ɓadǝm amǝturonjar mala Ɓakuli.

Yohana 15:20

Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Yohana 17:6

Ən lǝmndǝni aɓwana mǝnana a pam mia a ɓanza ka rǝo. Yia ka amo na. A nǝ̀ pam mia, sǝ à kpanata cau mo.

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

1 Amǝ Korinti 16:9

Anjar mala pakki aturo na pas kani, sǝa ma aɓibura gbal ka, à cambam kingging.

2 Amǝ Korinti 2:12

Lang ǝn bingŋǝna Tǝros, ace kǝ hamnǝ Cau Amsǝban mala Kǝrǝsti ka, ǝn yi sǝni ka Mǝtalabangŋo angŋa dǝmbǝa mǝnǝna njar mala turo akano.

Amǝ Filipi 4:13

Mǝ nǝ gandǝ pak koya gir ka, nǝ rǝcandǝa mǝnana Kǝrǝsti kǝ pam ngga.

Amǝ Kolosi 4:3

Wu pakka sǝm hiwi gbal ama ɓǝ̀ Ɓakuli pa sǝm dǝmbǝu mala bang cau male, ɓǝ̀ sǝm hamnǝ cau-ɓa-sǝmbǝrǝa male mǝnana amur Kǝrǝsti ka. Àkǝ̀ ce mǝnia yì cau ka, sǝ mǝ nda a ndàkurban ado.

1 Timoti 5:8

Sǝ ko ɓǝ̀ ya ɓwa na kat mǝnana kǝ tsǝk kir aɓǝla male, nggeamurǝmi ka amǝɓala male raka, man yì ɓwa ka pangŋǝna ce paɓamuru male ɓa, yale ɓwa mǝnana surǝ Ɓakuli raka, ɓoari wi.

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 2:2

Ən surǝna rǝ aturo mo, andǝ mǝsǝkang-kangŋa mo arǝ turo, andǝ munyi mo aɓa tanni. Ən sǝlǝna ama we ka, a kǝ earnǝ aɓwana amǝ'ɓealɓikea ɗang. Aɓwana mǝnana à bangŋa ama à ndaka amǝ'mishan, sǝ nda raka, a mwamngginia, sǝ a kumia ka amǝnyir na.

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 3:15

Ən surǝ aturo mo, ama we ka, a pî ɗang, sǝ a pwal ɗang. Eare mem ngga, ɓǝ́ a nda kùlkùl ko ɗwal!

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.