Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sǝna 3:3 - Maləmce Məfele mala Ɓakuli: Kurcau Məbəshe

3 Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.

အခန်းကိုကြည့်ပါ။ ကော်ပီ




Sǝna 3:3
24 ပူးပေါင်းရင်းမြစ်များ  

Ace mani ka, wu do aɓa tsǝk mǝsǝ wun, acemǝnana wu surǝ pwari ko bu-pwari mala yiu mem ɗang.


Wu do aɓa gilǝrǝu, wu dum nǝ mǝsǝ wun; acemǝnana wu surǝ pwari mǝnana bu-pwari mǝno nǝ̀ yiu nǝi ka ɗang.


Sǝ ɓǝ̀ yiu nǝ gya yasǝlǝban ngga, ɓǝ̀ kǝa kum wun a ntulo ɗang.


Acemǝnana wun nǝ ɓamur rǝ wun ngga, wu sǝlǝna ama pwari mǝnana Mǝtalabangŋo ci nǝ̀ yiu nǝi ka, nǝ̀ yiu kǝla yiu mala mǝn'i nǝ du.


Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.


Bwal kanigir mǝɓafoe mǝnana a kanì abanam ngga, ɓǝ̀ dupo girkani mǝnana a nǝ kpate ka, sǝ pè aɓa paɓamuru andǝ earcearǝu mǝnana ndakam aɓa Kǝrǝsti Yesu ka.


Ace mani ka, sǝm nǝ̀ tsǝk kir sǝm pépè arǝ cau mǝnana sǝm ok ka, ace mǝnana ɓǝ̀ sǝm ngga kyanggi wi ɗàng.


Yale a sǝne mem ngga, aɓa do mem kat aɓa mǝnia yì nggūrǝu ka, ɓoaro ɓǝn nggǝ kasǝɓalǝ wun.


Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.


Sǝa ma pwari mala Mǝtalabangŋo ka, nǝ̀ yiu kǝla yiu mala mǝn'i. A pwari mǝno ka kuli nǝ̀ ndǝrmya nǝ gǝggǝli mǝcande, sǝ agir mǝnana a kuli ka à nǝ̀ pì kǝring a bǝsa, à nǝ̀ kiɗikea, sǝ ɓanza andǝ aturo mǝnana a ɓalǝi ka à nǝ̀ nong kwas.


“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”


Sǝa ma gir mǝnana wu ndanǝi ka, wu bwali kàngkàng she ɓǝn yina ka.


Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.


Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”


Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.


Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!


Lo, sangsǝ amǝsǝo! Agir mǝnana à ueoko sǝ à malanǝ wu ka, loasǝia ɓǝa dum nǝ rǝcandǝa. Ən kum aturo mo a ɓadǝm Ɓakuli mem ngga, à gatti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ