Sǝna 3:11 - Maləmce Məfele mala Ɓakuli: Kurcau Məbəshe

¹¹ Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.

Sǝna 3:11 ပူးပေါင်းရင်းမြစ်များ

1 Amǝ Korinti 9:25

Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.

Amǝ Filipi 4:5

Ɓǝ̀ ɓwapǝndǝa sǝn domunyi ma'wun aɓa girbunda kat. Pà nǝ̀ sau ɗang, Mǝtalabangŋo nǝ̀ yiu.

2 Timoti 2:5

Anggo gbal, ɓwa mǝnana nda aɓalǝ amǝ karǝki amire ka, kǝ li ɗang, she ɓǝ̀ ɓangŋǝna mire masǝlǝna te pepe, kpana ata nggurcau mǝnana à tsǝki amǝ mire ka.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Jemis 1:12

Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

Jemis 5:9

Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!

Sǝna 1:3

Ɓwa mǝnana kǝ ɓal mǝnia yì cau ɓangna, andǝ aɓwana mǝnana à kǝ oe, sǝ à kǝ kpata agir mǝnana à gilǝia a ɓalǝi ka, à ndanǝ tsǝkbu, acemǝnana pwari pa mala agir mǝnia ka gbashina tù.

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 2:25

Sǝa ma gir mǝnana wu ndanǝi ka, wu bwali kàngkàng she ɓǝn yina ka.

Sǝna 22:12

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Atangnakusǝu mem na a buam, mǝ nǝ yia pe koya ɓwa ka tangnakusǝi mala gir mǝnana karǝ arǝ turo mǝnana pak ka.

Sǝna 22:20

Yì, yì ɓwa mǝnana kǝ bangŋa ama amǝnia yì agir ka mǝsǝcau na ka, kǝ na ama, “E, mǝ ndya ǝn nggǝ yiu adyan tu ka!” “Amin! Yiu, Mǝtalabangŋo Yesu!”

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.

Sǝna 4:10

Aɓa mǝno anggo ka aɓwana-mǝgule lumi-ɓari-nong-ine gbal ka, à nǝ̀ kpa a nzali a ɓadǝm ɓwa mǝnana do amur bunomurǝm ngga. À nǝ̀ peri abani, yì ɓwa mana ndanǝ yilǝmu mana málá male pà kàm raka. Lang ɓǝ̀ à nda aɓa peri anggo ka, à nǝ̀ nongsǝ ambulan-murǝm malea a ɓadǝm bunomurǝm nì sǝ à nǝ̀ bangŋa ama:

Sǝna 4:4

Aɓea abuno-murǝm lumi-ɓari-nong-ine gumbǝli mǝnia yì bunomurǝm ngga a ɓalǝu, nǝ aɓwana-mǝgule lumi-ɓari-nong-ine aban do amuria. À oasǝ adaura pwasǝa a rǝia andǝ ambulan zǝnariya a ɓamuria.