Sǝna 22:6 - Maləmce Məfele mala Ɓakuli: Kurcau Məbəshe

⁶ Pǝlǝa mǝturonjar banggam ama: Amǝnia yì acau ka mǝsǝcau na sǝ à nǝ̀ earnǝia. Mǝtalabangŋo Ɓakuli mǝnana ginggi nǝ bangŋo mala amǝ'ɓangna male ka, nda tasǝ mǝturonjar male ɓǝ̀ yì banggi aguro male, agir mǝnana à nǝ̀ yia pur púp banì pà nǝ̀ sau raka.

Sǝna 22:6 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Luka 1:70

Pe kǝla mǝnana bangŋa a kun amǝ'ɓangna male mǝfele ɓara-ɓara ka.

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Amǝ Mishan 12:11

Anzǝm man ngga Bitǝrus nyare aɓa sǝlǝe male, sǝ na ama, “She ado sǝ kǝ kpakam ama mǝsǝcau na! Mǝtalabangŋo tasǝ mǝturonjar male ɓǝ̀ amsǝam a bu Hirǝdus sǝ aɓalǝ agir mǝnana kat aɓwana-mǝgule mala amǝ Yahudi kuro a muram ngga!”

Amǝ Mishan 3:18

Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka.

Amǝ Roma 1:2

Ɓakuli pacau ace mǝnia yì Cau Amsǝban ngga, ɓara-ɓara nǝban amǝ'ɓangna male aɓa Malǝmce Mǝfele.

1 Amǝ Korinti 14:32

Abangŋo mala na gi Ɓakuli mǝnana amǝ'ɓangna nani ka à nda aɓata yalban mala amǝ'ɓangna.

1 Amǝ Korinti 7:29

Ɓalǝ cau mǝnana ǝn nggǝ na wun ngga, wun amǝ'eambǝam, nda mǝnana ama: pwari ueo ɗǝm kpǝm ɗang, twal a dyan ngga aburana mǝnana à dumǝna ɓala ka, ɓǝa do kǝla aɓwana mǝnana à panǝ amamǝna raka.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

Amǝ Ibǝru 12:9

Ɓǝ̀ sǝm sǝni, atár sǝm mǝnana a nggūrǝu ka, à kǝ kwarkir sǝm, sǝ sǝm nggǝ pea wia gulo ace. Palang ado sǝ pa sǝm nǝ̀ ɓun aɓata Tar sǝm mǝnana pusǝ abangŋo ma'sǝm, ace mǝnana ɓǝ̀ sǝm dumnǝ yilǝmu ka ɗang?

2 Bitǝrus 1:21

Acemǝnana na gi Ɓakuli ka, kǝ pur aɓa kani mala mǝɓangna ɗang. Amǝno yì amǝ'ɓangna ka, Bangŋo Mǝfele na gingnǝia sǝ à na cau mǝnana pur nǝban Ɓakuli ka.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

Sǝna 1:1

Mǝnia ka nda sǝngir aɓa bangŋo nǝ bu Yesu Kǝrǝsti mǝnana Ɓakuli pe wi acemǝnana ɓǝ̀ lǝmndǝì aguro male agir mǝnana duk púp à nǝ̀ yia kutio, banì pà nǝ̀ sau raka. Yesu túr mǝturonjar male ɓǝ̀ yì mǝnggi mǝnia yì girsǝna aɓa bangŋo ka aban guro male, Yohana.

Sǝna 18:20

Wun mǝnana wu ndanǝ do a kuli ka, wu pak banɓoarnado amuri! Wun aɓwana mala Ɓakuli, andǝ amǝ'mishan, andǝ amǝ'ɓangna mala Ɓakuli, wu pak banɓoarnado. Acemǝnana Ɓakuli pangŋǝni wi ɓashi ace kǝ wun.’ ”

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 21:5

Sǝ ɓwa mǝno do amur bunomurǝm ngga bangŋa ama: Wu sǝni, mǝ ndo mǝ nǝ nyesǝ agir kat à nǝ̀ pǝlǝ bǝshe! Pǝlǝa na ɗǝm ama: Gilǝ cau mǝnia ka, acemǝnana cau na, à nǝ̀ earnǝi, sǝ mǝsǝcau na.

Sǝna 21:9

Mwashat ata amǝturonjar mala Ɓakuli, yia mǝno tongno-nong-ɓari, mǝnana à bwal atasau mana à lumsǝkia nǝ masǝlǝata agir yinǝ tanni twal la ka, yiu abanam. Nam ama, “Yiu, mǝ nǝ lǝmndǝo Mālá Mǝgam, yì Manfela male.”

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:16

Mim Yesu, ǝn túr mǝturonjar mem ɓǝ̀ bangga wun amǝnia yì agir ka ace a'ikǝlisiya. Mǝ nda Mǝkà Murǝm Dauda, ǝn pur a tau male. Mǝ nda nlero dǝmbari mǝ tàne.

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”

Sǝna 4:1

Anzǝm mǝno ka, ǝn soa mǝsǝam kara ǝn sǝn kunkurǝm a kuli mǝnana à mǝnni sǝ à nyi atarǝì ka. Sǝ yì gìu mǝnana ǝn oe atadǝmbe nam cau kǝla ɓua mala njawe ka, bangŋa ama, “Yiu kani a kuli, mǝ nǝ lǝmndǝo gir mǝnana nǝ̀ yia kumban anzǝm mǝnia ka.”