Sǝna 22:20 - Maləmce Məfele mala Ɓakuli: Kurcau Məbəshe

²⁰ Yì, yì ɓwa mǝnana kǝ bangŋa ama amǝnia yì agir ka mǝsǝcau na ka, kǝ na ama, “E, mǝ ndya ǝn nggǝ yiu adyan tu ka!” “Amin! Yiu, Mǝtalabangŋo Yesu!”

Sǝna 22:20 ပူးပေါင်းရင်းမြစ်များ

Yohana 21:25

Aɓea agir nakam pas mǝnana Yesu pea ka, yale ɓǝa na ama, à nǝ̀ kpatea mwashat-mwashat à nǝ̀ gilǝia kat ka, ǝn nggǝ sǝni nǝma ɓanza kat ka, pà nǝ̀ gandǝ bwal amalǝmce mǝnana à nǝ̀ gilǝia ka ɗang.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Amǝ Ibǝru 10:37

Acemǝnana, kǝla mana Malǝmce bang ngga, “Banì pà nǝ̀ sau ɗang, ɓwa mǝnana kǝ yiu ka, nǝ̀ yiu, sǝ pà nǝ̀ dǝndi yiu ɗang.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 1:2

Yohana yì bang gir kat mǝnana sǝna, amur Cau mala Ɓakuli, andǝ agir mǝnana Yesu Kǝrǝsti pea sǝ nea ka.

Sǝna 2:16

Pwanzali, nying bo arǝ acauɓikea mo. Ɓǝ̀ ana raka, mǝ nǝ yipo nǝ yasǝlǝban, sǝ mǝ nǝ ká nǝ́ munǝo arǝ aɓwana mǝno nǝ́ nggeabyau mǝnana a kunam ngga.

Sǝna 22:10

Pǝlǝa kwarkiram ama: Kǝa na ama a nǝ sǝmbǝrǝ ce acau ɓangna mǝnana aɓa malǝmce mǝnia ka ɗang, acemǝnana pwari gbashina tu mana amǝnia yia agir kat ka à nǝ̀ kumban ngga.

Sǝna 22:12

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Atangnakusǝu mem na a buam, mǝ nǝ yia pe koya ɓwa ka tangnakusǝi mala gir mǝnana karǝ arǝ turo mǝnana pak ka.

Sǝna 22:18

Ən nggǝ nunkir koya ɓwa na kat kǝ ok acau ɓangna mǝnana à gilǝia aɓa malǝmce mǝnia ka: Ɓǝ̀ kǝɓwa tsǝk ɓe amur agir mǝnana à gilǝe akani ka, Ɓakuli nǝ̀ tsǝki wi ɓe amur agir yinǝ tanni twal la mǝnana à kanicea aɓa mǝnia yì malǝmce ka.

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”