Sǝna 22:2 - Maləmce Məfele mala Ɓakuli: Kurcau Məbəshe

² Ɓangŋa kǝ kuti nǝ ɓaɓalǝu mala njar mǝgule mala ɓa nggeala. A koya nkaring mala kun múr mala nggeasala ka, nggun na kam mǝnana kǝ pa yilǝmu ka. Nggunî kǝ pusǝ a'ulang aɓǝle ɗàngɗáng lum-nong-ɓari aɓa pǝlǝa mwashat; koya zongŋo ka, kǝ pusǝ ulang male yì ɓǝle. Ambu nggunì ka ɓuri na ace wal kwano mala anzali mala aɓwapǝndǝa.

Sǝna 22:2 ပူးပေါင်းရင်းမြစ်များ

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

1 Bitǝrus 2:24

Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

Sǝna 2:7

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka! Koya ɓwa na kat mǝnana cam kàngkàng sǝ limurǝm ngga, mǝ nǝ eari wi ɓǝ̀ li ɓǝlanggun mala nggun yilǝmu mǝnana a ɓaban mala Ɓakuli ka.

Sǝna 21:21

Akunɓala lum-nong-ɓari mala nggeala ka, à gilǝkia nǝ sala-ɓá-nkombo-nggeamur; ko ya kunɓala ka, nǝ male yì ulangyi sala-ɓá-nkombo mǝnana à pe nǝi ka. Sǝ njar mǝgule mǝnana aɓa nggeala ka, à pe nǝ zǝnariya mǝnana ɓālǝi nong tyal-tyal nǝ ɓoarnsari kǝla gǝlas.

Sǝna 21:24

Aɓwana mala anzali nǝ̀ gya aɓa tǎlaban male, sǝ amurǝma mala ɓanza nǝ̀ yiu nǝ agulo malea a ɓalǝi.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.

Sǝna 22:19

Sǝ ɓǝ̀ kǝɓwa amsǝ ɓe kǝgir aɓalǝ acau mala malǝmce ɓangna mǝnia ka, Ɓakuli nǝ̀ amsǝi wi kāmbe male. Pà nǝ̀ kumo nǝ̀ li ɓǝlanggun yilǝmu ɗang, sǝ pà nǝ̀ kutio aɓa nggeala mǝfele mǝnana à kaniki ce aɓa mǝnia yì malǝmce ka ɗang.