Sǝna 22:14 - Maləmce Məfele mala Ɓakuli: Kurcau Məbəshe

¹⁴ Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.

Sǝna 22:14 ပူးပေါင်းရင်းမြစ်များ

Yohana 10:7

Ace mǝno ka Yesu bǝlia wia ɓālǝi ama: Mǝ nda ban na wun mǝsǝcau, mǝ nda kun-nda mala anzur.

Yohana 10:9

Mǝ ndà kun-nda. Ɓwa mǝnana kat kuti nǝ banam ngga nǝ̀ kum auwa; nǝ̀ kutio sǝ nǝ̀ puro, sǝ nǝ̀ kum girlina.

Yohana 14:15

Ɓǝ̀ wu kǝ earcem ngga, wu nǝ̀ kpata anzongcau mem.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 4:12

A kuti kà sǝm Yakupu mǝnana pà sǝm mǝnia yì tūli, mǝnana yì nǝ nggearǝì, andǝ amuni, andǝ agirkusǝu malea à nu mur kam ngga le?”

1 Amǝ Korinti 7:19

Acemǝnana ko à kasǝi ɓwa ɓate, ko à kasǝi wi ɓate ɗang, mǝnia ka kǝ lǝmndǝ ɓe kǝgir ɗang. Gir mǝnana à nǝ̀ na ce ka, nda cau mala bwal anzongcau mala Ɓakuli.

1 Amǝ Korinti 8:9

Kat andǝ amani ka, wu tsǝk kir wun, ɓǝ̀ sǝlǝe mala do kum-ɓamuru ma'wun, ɓǝ̀ kǝa tsǝk aɓwana mǝnana à pànǝ rǝcandǝa aɓa paɓamuru malea raka, ɓǝa kpa ɗang.

1 Amǝ Korinti 9:5

Aɓea amǝ'mishan, andǝ amǝ'eam Mǝtalabangŋo andǝ Bitǝrus ka, à kǝ twal amālea atea aban kà turo. Sǝm ngga, pà sǝm nǝ̀ gandǝ pa kǝla yia re?

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.

Sǝna 2:7

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka! Koya ɓwa na kat mǝnana cam kàngkàng sǝ limurǝm ngga, mǝ nǝ eari wi ɓǝ̀ li ɓǝlanggun mala nggun yilǝmu mǝnana a ɓaban mala Ɓakuli ka.

Sǝna 21:12

Sheran mǝnana kàrǝì nggeala ka, dārya sǝ tangŋa, sǝ ndanǝ akunɓala a rǝì lum-nong-ɓari. À tamsǝ amǝturonjar lum-nong-ɓari à kǝ yal akunɓala mala nggeala. Amur koya kunɓala mǝnana arǝ sheran ngga, à gilǝ mwashat ata lullǝ atau lum-nong-ɓari mala amǝ Isǝrayila.

Sǝna 21:27

À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.

Sǝna 22:2

Ɓangŋa kǝ kuti nǝ ɓaɓalǝu mala njar mǝgule mala ɓa nggeala. A koya nkaring mala kun múr mala nggeasala ka, nggun na kam mǝnana kǝ pa yilǝmu ka. Nggunî kǝ pusǝ a'ulang aɓǝle ɗàngɗáng lum-nong-ɓari aɓa pǝlǝa mwashat; koya zongŋo ka, kǝ pusǝ ulang male yì ɓǝle. Ambu nggunì ka ɓuri na ace wal kwano mala anzali mala aɓwapǝndǝa.

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”

Sǝna 7:14

Sǝ ǝn eari wi nǝma, “Ɓwamǝgule, ǝn sǝlǝ ɗang. A nda a sǝlǝ ka.” Pǝlǝa nam ama, “Amǝnia ka, à ndaka ɓwana mǝnana à purî ɓa nggea tanni mǝgule ka. À lakína adaura malea sǝ à tsǝngŋǝnia à pǝlǝna amǝpwasǝe aɓa nkila mala Mǝgam.