Sǝna 21:9 - Maləmce Məfele mala Ɓakuli: Kurcau Məbəshe

⁹ Mwashat ata amǝturonjar mala Ɓakuli, yia mǝno tongno-nong-ɓari, mǝnana à bwal atasau mana à lumsǝkia nǝ masǝlǝata agir yinǝ tanni twal la ka, yiu abanam. Nam ama, “Yiu, mǝ nǝ lǝmndǝo Mālá Mǝgam, yì Manfela male.”

Sǝna 21:9 ပူးပေါင်းရင်းမြစ်များ

Sǝna 1:1

Mǝnia ka nda sǝngir aɓa bangŋo nǝ bu Yesu Kǝrǝsti mǝnana Ɓakuli pe wi acemǝnana ɓǝ̀ lǝmndǝì aguro male agir mǝnana duk púp à nǝ̀ yia kutio, banì pà nǝ̀ sau raka. Yesu túr mǝturonjar male ɓǝ̀ yì mǝnggi mǝnia yì girsǝna aɓa bangŋo ka aban guro male, Yohana.

Sǝna 17:1

Mwashat ata amǝturonjar tongno-nong-ɓari mǝnana nǝ atasau tongno-nong-ɓari ka, yiu abanam. Nam cau ama, “Yiu atam, mǝ nǝ lǝmndǝo ɓashi mala Ɓakuli mǝnana nǝ̀ yiu amur man'gyatarǝu mǝgule, yì nggeala mǝnana à ɓè aban anggeasala pas ka.

Sǝna 19:7

Ɓǝ̀ sǝm pak banɓoarnado andǝ pakiɗire, sǝ ɓǝ̀ sǝm pe wi gulo. Pwari isǝban mala Mǝgam yina, sǝ Manfela male ka, gilǝkina rǝì.

Sǝna 21:17

Ɗǝm ngga kārǝki dārya mala sheran mala nggeala, sǝ kumi ka nda mita lumi-tongno-nong-mwashat [60 m]. Mǝturonjar kpata kārǝkigir mǝnana ɓwapǝndǝa kasǝ ka.

Sǝna 21:2

Sǝ ǝn sǝn Nggeala Mǝfele, yì bǝsa Urǝshalima. Ən sǝni puro aban Ɓakuli a kuli, sǝ kǝ sulǝo aban yiu. À gilǝkini pepe kǝla manfela mǝnana à gilǝkì wi rǝì aɓa ɓoarnsari ace ká aban burri ka.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.

Sǝna 22:6

Pǝlǝa mǝturonjar banggam ama: Amǝnia yì acau ka mǝsǝcau na sǝ à nǝ̀ earnǝia. Mǝtalabangŋo Ɓakuli mǝnana ginggi nǝ bangŋo mala amǝ'ɓangna male ka, nda tasǝ mǝturonjar male ɓǝ̀ yì banggi aguro male, agir mǝnana à nǝ̀ yia pur púp banì pà nǝ̀ sau raka.