Sǝna 21:8 - Maləmce Məfele mala Ɓakuli: Kurcau Məbəshe

⁸ Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.

Sǝna 21:8 ပူးပေါင်းရင်းမြစ်များ

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Matiu 25:25

Ɓangciu pakkam nda ǝn kya sǝmbǝrǝ boalo mo a nzali ka. Sǝni, ndya ka, ak gir mo.”

Matiu 8:26

Sǝ nea wia ama, “Wun ngga, guli ma'wun arǝ Ɓakuli kyau fat. Palang sǝ ɓangciu pakka wun?” Pǝlǝa lo sà arǝ gung andǝ eaki-nkono mala nggeamur. Kara ban pwal atea ɗǝong.

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

2 Amǝ Tasalonika 2:9

Yì Ɓwa mala Cauɓikea man ngga, nǝ̀ yiu nǝ rǝcandǝa mala Shetan, nǝ̀ yia pakki agir-ndǝlǝki, andǝ agir-lǝmndǝa, andǝ agir-gyambǝliban mǝ'nyirì ɗàngɗáng.

1 Timoti 4:2

Amǝnia yì amǝkanigir ka, amǝ'kunɓarina na sǝ amǝnyir na. Ɓabum ɗenyicau mǝɓoarne malea wuna.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Amǝ Ibǝru 12:24

Wu yina aban Yesu, yì ɓwa mǝnana nda mǝkutio a nre-rǝarǝu mala bǝsa kurcau a nre Ɓakuli andǝ aɓwana male ka. Wu yina aban yì nkila à watsǝki, mǝnana kǝ bangcau mǝɓoarne kuti mala nkila mala Habila ka.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

1 Yohana 2:22

Yana nda mǝ'nyir? Kǝ nda ɓwa mǝnana ginǝ eare ama Yesu nda Kǝrǝsti, yì ɓwa mana Ɓakuli tarrì ka. Ɓwa mǝnana kat makgir Ɓakuli Tarrû andǝ Muni ka, nda kǝ ɓimǝbura mala Kǝrǝsti.

1 Yohana 3:15

Ɓwa mǝnana kat kǝ ginǝ mǝsǝ mǝ'eambǝi ka, mǝ'walki-alú na. Sǝ wu sǝlǝna ama kǝ mǝ'walki-alú pà kàm nǝ yilǝmu mǝnana málá male pà kàm raka ɗang.

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.

Sǝna 14:10

ɓwe gbal ka nǝ̀ nu mùr-anap mala bumlulla mala Ɓakuli. Yì bumlulla mala Ɓakuli mǝnana à solǝi andǝa lullo male mǝcande aɓa kwar bum-ukkia male ka. Sǝ ɓwe nǝ̀ nu nggea tanni kǝrkǝr aɓa bǝsa andǝ atalibǝsa, a ɓadǝmbǝ amǝturonjar mǝfele andǝ ɓadǝm Mǝgam.

Sǝna 19:20

Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.

Sǝna 2:11

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka. Ɓwa mǝnana limurǝm ngga, ɓaria lú, pà nǝ̀ je ɗang ko bǝti.

Sǝna 2:2

Ən surǝna rǝ aturo mo, andǝ mǝsǝkang-kangŋa mo arǝ turo, andǝ munyi mo aɓa tanni. Ən sǝlǝna ama we ka, a kǝ earnǝ aɓwana amǝ'ɓealɓikea ɗang. Aɓwana mǝnana à bangŋa ama à ndaka amǝ'mishan, sǝ nda raka, a mwamngginia, sǝ a kumia ka amǝnyir na.

Sǝna 21:27

À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.

Sǝna 9:17

Aɓa mǝnia yì sǝngir aɓa bangŋo à lǝmndǝam ngga, ǝn sǝn apǝr nì andǝ amǝpǝ̀r aban do a nzǝmia. Adaura-bolo mǝnana amǝpǝ̀r oasǝ a kikilia ka, aɓea ka amǝbangŋe na, aɓea ka amǝgbǝ̀lwì na, sǝ aɓea ka amǝ'gwalani. Apǝr ka, ɓamuria na kǝla mala im, sǝ bǝsa andǝ yele andǝ tali solfo mǝ'earke nǝ bǝsa ka, à kǝ pur aɓa kunia.

Sǝna 9:21

Sǝ ɗǝm ngga à ginǝ pwanzali à nǝ̀ pǝlǝ nzǝmia arǝ pakkiagir malea mala walki-alú, andǝ kpata agirmonzǝo, andǝ kìɗìkì mala nongginǝ rǝarǝu, andǝ iki'an'i.