Sǝna 21:4 - Maləmce Məfele mala Ɓakuli: Kurcau Məbəshe

⁴ Nǝ̀ esǝki mǝrǝm kat a mǝsǝia, sǝ lú, andǝ bumkiɗikea, andǝ ɓua andǝ kwanban ngga, à pà nǝ̀ pàk kàm ɗǝm ɗang. Amǝnia yì agir mǝnana ɗiɗyal ka, à umna ɗǝɗak.

Sǝna 21:4 ပူးပေါင်းရင်းမြစ်များ

Matiu 24:35

Agir mǝnana a bumkuli andǝa mǝnana a nzali ka tea nǝ̀ malâ, sǝ cau mem ngga te pà nǝ̀ mal ɗang.

1 Amǝ Korinti 15:26

Ɓimǝbura mǝnana à nǝ̀ masǝlǝta limurǝm amuri ka nda lú.

1 Amǝ Korinti 7:31

Aɓwana mǝnana à ndanǝ agir-ngāli ka, ɓǝa do kǝla à pànǝi ɗang. Acemǝnana ɓanza mǝnia ka, banì pà nǝ̀ sau ɗǝm ɗang, kǝ yiu nǝ yiu a masǝlǝate.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

2 Amǝ Korinti 6:17

“Ace mani ka, wu puri ɓalǝ amǝ'ɓealɓikea, wu duk zak! Wu kǝa gbashi rǝia ɗang, anggo sǝ Mǝtalabangŋo na. Wu kǝa je kǝgir mǝnana mim Ɓakuli ǝn ginǝce ka ɗang, sǝ mǝ nǝ gingsǝ wun.”

Amǝ Ibǝru 12:27

Mǝnia yì cau ama “Ado ɗǝm ngga” lǝmndǝ ama gir mǝnana kat Ɓakuli nǝ pusǝì ka, à nǝ̀ dǝurǝki, sǝ à nǝ̀ gǝshi, ace mǝnana agir mana à pà nǝ̀ dǝurǝ raka, à nda à nǝ̀ ueo ka.

2 Bitǝrus 3:10

Sǝa ma pwari mala Mǝtalabangŋo ka, nǝ̀ yiu kǝla yiu mala mǝn'i. A pwari mǝno ka kuli nǝ̀ ndǝrmya nǝ gǝggǝli mǝcande, sǝ agir mǝnana a kuli ka à nǝ̀ pì kǝring a bǝsa, à nǝ̀ kiɗikea, sǝ ɓanza andǝ aturo mǝnana a ɓalǝi ka à nǝ̀ nong kwas.

1 Yohana 2:17

Sǝ ɓanza ka, kǝ kuti nǝ kutio andǝ agir mǝnana ɓwapǝndǝa ɓanggiyi atea ka. Sǝa ma ɓwa mǝnana kǝ pakturo nǝ ne mala Ɓakuli ka, nǝ̀ do nǝ yilǝmu mǝnana málá male pà kàm raka.

Sǝna 20:13

Nggeamur ndǝli alú mǝnana a ɓalǝi ka. Lú andǝ Domurǝm mala lú ka, à pusǝ alú-aɓwana mǝnana aɓalǝia ka. Sǝ ko ya ɓwa ka, à pakki wi ɓashi arǝ aturo male mǝnana pak ka.

Sǝna 20:14

Pǝlǝa à ramta Lú andǝ Domurǝm mala lú aɓa garang mǝnana kǝ li nǝ bǝsa ka. Mǝnia yì garang mala bǝsa ka, nda ɓaria lú.

Sǝna 21:1

Pǝlǝa ǝn sǝn kuli mǝbǝshe andǝ nzali mǝbǝshe. Kuli mǝnana ɗiɗyal andǝ nzali mǝnana ɗiɗyal ka, à ndǝrmina, sǝ nggeamur gbal ka pà kàm ɗǝm ɗang.

Sǝna 22:3

Suban ngga pà nǝ̀ pàk kàm ɗǝm amur kǝgir aɓa mǝno yì nggeala ka ɗang. Ɓakuli nǝ nggearǝì, andǝ Mǝgam ngga, à nǝ̀ do a ɓalǝi amur abuno-murǝm malea, sǝ aɓwana male nǝ̀ nggǝ peri abani.

Sǝna 7:17

Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”