Sǝna 21:27 - Maləmce Məfele mala Ɓakuli: Kurcau Məbəshe

²⁷ À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.

Sǝna 21:27 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Markus 7:2

À sǝn aɓea alaggana mala Yesu ka, à kǝ lili nǝ abu mǝ pǝndǝke. Lǝmndǝ ama à lak abuia ɗang.

Luka 10:20

Sǝ ban ɓǝ̀ kǝa ɓoara wun ama akukwar kǝ oka wun ɗang, wu pak bumpwasǝa ama alullǝ wun ngga à gilǝnia a kuli.”

Amǝ Afisu 5:5

Wu nǝ̀ gandǝ sǝlǝ kàngkàng ama ɓwa mana kat mǝ nongginǝban na, ko mǝ pakki agir ɓeami na, ko mǝ nzumon na ka, pà nǝ̀ kum kutio a Domurǝm mala Kǝrǝsti andǝ Ɓakuli ɗang. Acemǝnana nzumon ka, ndá mwashat andǝ peri aban agirkuncau.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

1 Timoti 1:10

Yì Nggurcau ka, nda ace amǝ nongginǝban a nza nǝ doɓala, andǝ amǝ pak cauɓikea nongginǝ rǝarǝia, aburana arǝ aburana sǝ amamǝna arǝ amamǝna. Nda ace amǝ bwalban a guro, andǝ amǝnyir, andǝ amǝ kanná amur nyir, andǝ aɓwana mǝnana kat do malea ka nda ɗàng andǝ kanigir mǝ'mǝsǝcau nì ka.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

2 Bitǝrus 3:13

Sǝ sǝm ngga, sǝm nda ban kundǝ kuli mǝbǝshe andǝ ɓanza mǝbǝshe mǝnana lumsǝ nǝ ɓealɓoarna mala Ɓakuli, kǝla mǝnana bangŋa ama nǝ̀ yinǝi ka.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.

Sǝna 20:15

Sǝ ɓwa mǝnana kat lullǝi pà kàm à gilǝì aɓa Malǝmce Yilǝmu raka, à turi aɓa garang mǝnana kǝ li nǝ bǝsa ka.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.

Sǝna 3:5

Ɓwa mǝnana limurǝm ngga mǝ nǝ oasǝi wi daura pwasǝa a rǝì kǝla mǝno, sǝ pà mǝ nǝ kasǝ lullǝi ɗang aɓa Malǝmce Yilǝmu. Mǝ nǝ bang ce a ɓadǝm Tárram andǝ amǝturonjar male ama yì ka, mem na.