Sǝna 21:12 - Maləmce Məfele mala Ɓakuli: Kurcau Məbəshe

¹² Sheran mǝnana kàrǝì nggeala ka, dārya sǝ tangŋa, sǝ ndanǝ akunɓala a rǝì lum-nong-ɓari. À tamsǝ amǝturonjar lum-nong-ɓari à kǝ yal akunɓala mala nggeala. Amur koya kunɓala mǝnana arǝ sheran ngga, à gilǝ mwashat ata lullǝ atau lum-nong-ɓari mala amǝ Isǝrayila.

Sǝna 21:12 ပူးပေါင်းရင်းမြစ်များ

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 16:22

A masǝlǝate ka mǝtǝr man yi wú, amǝturonjar mala Ɓakuli yi twali à um nǝi aban Ibǝrayim. Mǝkume gbal ka wú pǝlǝa à tsǝkbani.

Amǝ Mishan 26:7

Mǝnia ka nda kǝ gir mǝnana atau ma'sǝm lum-nong-ɓari mala amǝ Isǝrayila tsǝk ɓalǝia aban kúndǝo à nǝ̀ sǝn lumsǝo male ka. Nda tsǝa sǝ à kǝ peri a ɓadǝm Ɓakuli du andǝ pwari nǝ rǝɓǝla ka. Ɓǝ̀ rǝo pwalo Murǝm, kat andǝ mǝno ka, à tsǝkam acau a rǝam, à yinǝ mim aban ɓashi ace bwal mǝnia yì tsǝkɓalǝu ka!

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Sǝna 21:13

À tsǝkia akunɓala tāru-tāru arǝ abuban ine mala nggeala; tārú nǝ njartakuli, tārú nǝ njarnza, tārú nǝ njartamur, sǝ tārú nǝ njarnzali.

Sǝna 21:15

Mǝturonjar mǝnana bangcau nǝ mim ngga ndanǝ mǝmunagara kārǝkigir a bui, a pe nǝ zǝnariya. Nǝ̀ ngga kārǝkina nggeala nǝi andǝ akunɓala andǝ asheran male.

Sǝna 21:25

À pà nǝ̀ gìr akunɓala mala nggeala ɗang ko aya pwari ka, acemǝnana akano ka, dù pà kàm ɗang.

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.