Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sǝna 20:6 - Maləmce Məfele mala Ɓakuli: Kurcau Məbəshe

6 Amǝnia yia aɓwana à kum kāmbe aɓa lo a ɓembe nǝ yilǝmu a dǝmbe ka, à ndanǝ tsǝkbu mala Ɓakuli, sǝ yia ka amǝfele na. Ɓaria lú pà nǝ rǝcandǝa amuria ɗang. A kúnì ka, à nǝ̀ duk apǝris mala Ɓakuli andǝ mala Kǝrǝsti, sǝ à nǝ̀ duk amurǝma ata Kǝrǝsti arǝ apǝlǝa á-mwashat.

အခန်းကိုကြည့်ပါ။ ကော်ပီ




Sǝna 20:6
19 ပူးပေါင်းရင်းမြစ်များ  

Lang ɓeɓwa mǝnana ata Yesu aban lili nǝ̀ ok ana ka, ne Yesu ama, “Ɓwa mǝnana nǝ̀ lili banɓoarnado a Domurǝm mala Ɓakuli ka, ndanǝ tsǝkbu!”


Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.


Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.


Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.


Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.


Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.


sǝ nyesǝ sǝm, sǝm pǝlǝna apǝris a Domurǝm mala Ɓakuli, yì Tarrí ka. Ɓǝ̀ gulo kat andǝ rǝcandǝa duk male, masǝlǝate pà kàm ɗang! Amin.


Pǝlǝa ǝn ok ɓe giu pur nǝ kuli na ama, “Gilǝ cau mǝnia ka: “ ‘Twal ado mǝno ka, tsǝkbu mala Ɓakuli na amur aɓwana mǝnana à wu aɓa dotarǝu malea andǝ Mǝtalabangŋo ka!’ ” Bangŋo mala Ɓakuli kǝ na ama, “E, mǝsǝtacau, à nǝ̀ kum usǝlǝo aɓalǝ aturo malea, acemǝnana aturo mǝɓoarne malea mǝnana à pea ka, à kǝ ongsǝo atea.”


Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka. Ɓwa mǝnana limurǝm ngga, ɓaria lú, pà nǝ̀ je ɗang ko bǝti.


Pǝlǝa à ramta Lú andǝ Domurǝm mala lú aɓa garang mǝnana kǝ li nǝ bǝsa ka. Mǝnia yì garang mala bǝsa ka, nda ɓaria lú.


Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.


Dù pà nǝ̀ nyare nǝ̀ pak ɗǝm ɗang. À pà nǝ̀ earce pitǝla ko pwari ace pa tǎlaban ɗǝm ɗang, acemǝnana Mǝtalabangŋo Ɓakuli ka, nda tǎlaban, nǝ̀ tǎ amuria. Sǝ à nǝ̀ duk amurǝma masǝlǝate pà kàm ɗang.


Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”


Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.


A nyesǝnia à pǝlǝna aɓwana mǝnana Ɓakuli ma'sǝm nda murǝm amuria, sǝ apǝris ace pakki wi turo, sǝ à nǝ̀ duk agbani a ɓanza.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ