Sǝna 20:4 - Maləmce Məfele mala Ɓakuli: Kurcau Məbəshe

⁴ Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.

Sǝna 20:4 ပူးပေါင်းရင်းမြစ်များ

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Matiu 24:10

Aɓalǝ amǝno yì apwari ka aɓwana pas nǝ̀ nying paɓamuru malea a rǝam, à nǝ̀ oasǝkimúr rǝarǝia sǝ à nǝ̀ ɓinǝmǝsǝ rǝarǝia.

Markus 6:16

Lang Hirǝdus ok ce ka, na ama, “Yohana Mǝbatisǝma mǝnana ǝn kasǝ meali ka, nda loapi ɓembe ka!”

Markus 6:27

Àkǝ̀ banì sǝ murǝm tasǝ mǝwalki alú, ne wi ama ɓǝ̀ kya ndàkurban ɓǝ̀ kasǝ ɓamur Yohana sǝ ɓǝ̀ yinǝi. Ɓwabure pǝlǝa wario kya kasǝ ɓamur Yohana a ndàkurban

Markus 9:11

Pǝlǝa à ɗi Yesu ama, “Palang sǝ amalǝm Nggurcau mala Musa bangŋa ama, Iliya nǝ̀ aki Kǝrǝsti dǝmbǝa yiu?”

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Luka 14:14

Anggo sǝ a nǝ kum tsǝkbu mala Ɓakuli. Acemǝnana à pà nǝ̀ gandǝ mbweo raka, a nǝ ngga kum mbweban mo a pwari mǝnana amǝ'ɓealɓoarna nǝ̀ loapi ɓembe nǝi ka.

Luka 22:30

Wu nǝ̀ li sǝ wu nǝ̀ nu atam a Domurǝm mem, sǝ wu nǝ̀ do amur abuno-murǝm aban ɓashia atau mala Amǝ Isǝrayila mǝnia lum-nong-ɓari ka.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Amǝ Roma 11:15

Ɓǝ̀ ginǝban mǝnana Ɓakuli ginǝia ka yiu nǝ amsǝban aban acilia aɓwana a ɓanza ka, lang sǝ ea nǝ̀ pa? Nǝ̀ duk pa yilǝmu aban aɓwana mǝnana à wuna ka!

Amǝ Roma 8:17

Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

Sǝna 1:2

Yohana yì bang gir kat mǝnana sǝna, amur Cau mala Ɓakuli, andǝ agir mǝnana Yesu Kǝrǝsti pea sǝ nea ka.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 11:11

Sǝ anzǝm anongŋo mǝno tārú nǝ cili ka, Ɓakuli pyaupia wia lin'ueo mǝ'pa yilǝmui a rǝia. À lo à cam amur akusǝia; sǝ aɓwana mǝnana kat à kǝ sǝnia ka, nggea ǝn'o bwalia kǝrkǝr.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 11:3

Sǝ mǝ nǝ pè amǝnakun mem ɓari rǝcandǝa, à nǝ̀ twal anonggeo mǝno á-mwashat nǝ gbǝman-ɓari nǝ́ lumi-tongno-nong-mwashat ka, à nǝ̀ nggǝ hamnǝ cau mala Ɓakuli, nǝ́ anggurbyau gwado a rǝia.”

Sǝna 11:7

Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 14:11

Yele-bǝsa ɓa tanni malea ka, nǝ̀ nggǝ lo aban ká kuli, pà nǝ̀ mal ɗang. Sǝ à pà nǝ̀ kum usǝlǝo ɗang du andǝ pwari, yia aɓwana mǝnana à peri aban nyamɓikea andǝ ɓǝ̀nzál male, andǝ ɓwa mǝnana kat à ak nyoulǝa mala lullǝi ka.”

Sǝna 15:2

Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

Sǝna 2:26

Ɓwa mǝnana limurǝm, yì mǝnana kpata cau mem aban ká masǝlǝate ka, mǝ nǝ pe wi garamurǝm amur anzali.

Sǝna 20:6

Amǝnia yia aɓwana à kum kāmbe aɓa lo a ɓembe nǝ yilǝmu a dǝmbe ka, à ndanǝ tsǝkbu mala Ɓakuli, sǝ yia ka amǝfele na. Ɓaria lú pà nǝ rǝcandǝa amuria ɗang. A kúnì ka, à nǝ̀ duk apǝris mala Ɓakuli andǝ mala Kǝrǝsti, sǝ à nǝ̀ duk amurǝma ata Kǝrǝsti arǝ apǝlǝa á-mwashat.

Sǝna 22:5

Dù pà nǝ̀ nyare nǝ̀ pak ɗǝm ɗang. À pà nǝ̀ earce pitǝla ko pwari ace pa tǎlaban ɗǝm ɗang, acemǝnana Mǝtalabangŋo Ɓakuli ka, nda tǎlaban, nǝ̀ tǎ amuria. Sǝ à nǝ̀ duk amurǝma masǝlǝate pà kàm ɗang.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.

Sǝna 4:4

Aɓea abuno-murǝm lumi-ɓari-nong-ine gumbǝli mǝnia yì bunomurǝm ngga a ɓalǝu, nǝ aɓwana-mǝgule lumi-ɓari-nong-ine aban do amuria. À oasǝ adaura pwasǝa a rǝia andǝ ambulan zǝnariya a ɓamuria.

Sǝna 6:9

Lang Mǝgam fasǝ tongnoia gbatali myang ngga, kara ǝn sǝn ayilǝmi aɓwana aban rambǝa aɓata gyangŋan-ɗarǝa; aɓwana mǝnana à wal-luia ace earnǝ cau mala Ɓakuli andǝ bangŋe aban aɓwana ka.

Sǝna 7:3

“Wu came! Wu kǝa na ama wu nǝ̀ je nzali ko nggeamur ko anggun ama wu nǝ̀ kiɗikia ɗang, she ɓǝ̀ sǝm tsǝngŋǝni aguro mala Ɓakuli ma'sǝm nyoulǝa mala parbu a kundǝmbǝia ka.”