Sǝ ɓwa mǝnana kat nying ɓala ko amǝ'eambǝu andǝ amǝnggaula, ko tarrû, ko nggeau, ko amuna, ko anzali, ace lullǝam ngga, nǝ̀ kumia kusǝ gbǝman. Sǝ nǝ̀ kum yilǝmu mǝnana málá male pà kàm raka.
Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.
Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.
Nggearǝ amǝturonjar mǝnana à pak cauɓikea ka, Ɓakuli sǝn mǝsǝswatǝr malea ɗang, ramtea aɓa nggea-tulibǝsa, kurkia kam aban mǝpǝndǝe mǝnana kǝlling-kǝlling ngga, she ɓǝ̀ pwari pak ɓashi pangŋǝna ka.
Gir mǝnia ka pe Dǝragon bumlulla kǝrkǝr arǝ mɓwama man. Nda nyare o nǝ̀ ká munǝo arǝ cili amuna mala mɓwame, yia aɓwana kat mǝnana à kǝ kpata anzongcau mala Ɓakuli, sǝ à duk amǝ nakun Yesu nǝ mǝsǝcau ka.
Yì Dǝragon ngga, wuli nggilate pwan banì mwashat aɓalǝ agauwe tārú mala anlero mǝnana a kuli ka, rangsǝia a ɓanza. Sǝ yi came a ɓadǝm mɓwama mǝnana kǝ gbashí ka, ace mǝnana ɓǝ̀ gbashína ani ka nǝ̀ shak muni.
Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!
Mǝnia yì nyamɓikea ǝn sǝni ka, nda kǝla mǝmburi. Akusǝi na kǝla akusǝ nyamɓabondo mǝnana à tunǝki ama biya, sǝ kuni na kǝla kun im. Dǝragon nyesǝ rǝcandǝa male, andǝ bunomurǝm male, andǝ garamurǝm male pe wi.
Ɓwapǝndǝa peri aban Dǝragon, acemǝnana nyesǝ garamurǝm male pe nyamɓikea ka; nyare à peri aban nyamɓikea, sǝ à kǝ na ama, “Yana ɓwe na kǝla yì nyamɓikea? Yana ɓwe na nǝ̀ gandǝ ká nǝ lwa a rǝì?”
Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.