Sǝna 2:5 - Maləmce Məfele mala Ɓakuli: Kurcau Məbəshe

⁵ Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.

Sǝna 2:5 ပူးပေါင်းရင်းမြစ်များ

Matiu 5:14

Wu ndaka tǎlaban mala ɓanza. Nggeala mǝnana à ɓe amur tali ka pà nǝ̀ sǝmbǝrǝ ɗang.

Matiu 5:15

À pà nǝ̀ tsǝk bǝsa a pitǝla sǝ à nǝ̀ kumsǝi wi nkenye amuri ɗang. A kun mani ka à nǝ̀ tamsǝi amur gir tamsǝ pitǝla, aban mǝnana nǝ̀ pa tǎlaban aban aɓwana kat a ɓala ka.

Markus 12:9

Sǝ mana ado mǝtala ɓaban nǝ̀ pa? Nǝ̀ yiu nǝ̀ yia wal lú ka amǝ'rya mǝno ka, sǝ nǝ̀ nyesǝ ɓaban nǝ̀ pea aɓea aɓwana.

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Luka 20:16

Nǝ̀ yiu nǝ̀ yia wal-lú amǝturo mǝnia sǝ nǝ̀ nyesǝ ɓaban nǝ̀ pe aɓea aɓwana!” Lang ɓwapǝndǝa nǝ̀ ok mǝnia ka à na ama, “Ɓǝ̀ Ɓakuli twalban mani!”

Amǝ Galati 5:4

Acemǝnana ɓǝ̀ wu kǝ ɓariki ama, wu nǝ̀ kum akban aban Ɓakuli nǝ kpata Nggurcau ka, wu gauwuni tarǝ wun wunǝi yì Yesu, wu purni ɓata ɓwamuru mala Ɓakuli.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

Amǝ Ibǝru 10:32

Wu ɗenyi nǝ anonggeo mǝnana a pwaryan wu tita kum tǎlaban a ɓabum wun ngga. Wu tanni kǝrkǝr, sǝ wu eare tanni mak wun ɗang.

2 Bitǝrus 3:17

Wun amǝ'eamrǝarǝu, mǝno ado wu surǝna mǝnia ka, wu tsǝkir wun, ɓǝ̀ ɓwarkio mala amǝ'ɓealɓikea mǝnia ka ɓǝ̀ kǝa gǝshi wun a bancame ma'wun, ɓǝ̀ kyan nǝ wun a kpa ɗang.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 16:9

Ace ɓiki pisǝkiban mala pipwari amur aɓwana ka, à kutia naki acau mǝɓane arǝ lullǝ Ɓakuli mǝnana ndanǝ rǝcandǝa amur amǝnia yì agir yinǝ tanni twal la ka. À gine à pà nǝ̀ pwanzali à nǝ̀ pǝlǝ nzǝmia arǝ acauɓikea malea, à nǝ̀ pe Ɓakuli gulo ɗang.

Sǝna 2:16

Pwanzali, nying bo arǝ acauɓikea mo. Ɓǝ̀ ana raka, mǝ nǝ yipo nǝ yasǝlǝban, sǝ mǝ nǝ ká nǝ́ munǝo arǝ aɓwana mǝno nǝ́ nggeabyau mǝnana a kunam ngga.

Sǝna 2:19

Ən surǝ aturo mo. Ən sǝna earcearǝu mo, andǝ paɓamuru mo abanam, andǝ turoperi mo, andǝ munyi mo aɓa gandǝrǝu. Sǝ ǝn sǝna lidǝmbǝa mo aɓalǝ amǝnia yì agir kat ka.

Sǝna 2:2

Ən surǝna rǝ aturo mo, andǝ mǝsǝkang-kangŋa mo arǝ turo, andǝ munyi mo aɓa tanni. Ən sǝlǝna ama we ka, a kǝ earnǝ aɓwana amǝ'ɓealɓikea ɗang. Aɓwana mǝnana à bangŋa ama à ndaka amǝ'mishan, sǝ nda raka, a mwamngginia, sǝ a kumia ka amǝnyir na.

Sǝna 3:19

Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!