Sǝna 2:3 - Maləmce Məfele mala Ɓakuli: Kurcau Məbəshe

³ Ən sǝlǝna ama we ka, a cam kàngkàng, a dum nǝ gandǝrǝu aɓa nutanni ace lullǝam, sǝ a aulǝ ɗang.

Sǝna 2:3 ပူးပေါင်းရင်းမြစ်များ

Markus 15:21

Ɓe ɓwa Sayirin na ban kutio, lullǝi ama Shiman, tar a Alizanda andǝ Rufus, pur nǝ muna-la aban yiu a nggeala. Asoje ci púp ɓǝ̀ twal nggun-gangndi mala Yesu.

Luka 14:27

Sǝ ɓǝ̀ ɓwa twal nggun-gangndi male yiu atam raka, pà nǝ̀ gandǝ duk mǝkpatam ɗang.

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 21:19

Mǝsǝkang-kangŋa ma'wun na nǝ̀ amsǝ wun, nǝ̀ pa wun yilǝmu mǝnana málá male pà kàm raka.

Luka 5:5

Shiman eari wi ama, “Ɓwamǝgule, sǝm mal du aban tanni, sǝ ko sǝm bwal kǝgir ɗang. Sǝ acemǝnana a wu nǝ na ka, mǝ nǝ tur ndámbú.”

Luka 8:15

Sǝ amǝsǝɓeale mǝnana a nzali mǝɓoarne ka, à ndaka aɓwana mǝnana à ok cau sǝ à bwali nǝ ɓabum mǝɓoarne mǝɓafoe ka. À lidǝmbǝa aɓa gandǝrǝu, sǝ cau pusǝ ɓealǝu mǝɓoarne aɓalǝia.

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 16:12

Wu makki Tǝrafena andǝ Tǝrafosa, amamǝna mǝno à pakki Mǝtalabangŋo turo kǝ̀rkǝ́r ka kun. Wu makki Pasis kun yi ɓeam mǝnana ǝn earkiyi ace raka, sǝ yì ɗǝm ngga mɓwama na mǝnana pakki Mǝtalabangŋo turo nǝ rǝcandǝa male kat ka.

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

Amǝ Roma 8:25

Sǝ ɓǝ̀ sǝm ndanǝ tsǝkɓalǝu arǝ gir mǝnana ado sǝm pa nǝi peatu, sǝm sǝni raka, sǝm nǝ̀ kundǝ gir nî nǝ domunyi.

1 Amǝ Korinti 13:7

Earcearǝu kǝ bwaki bui arǝ ɓwa ɗang. Earnǝɓwa male, andǝ tsǝkɓalǝu male, andǝ gandǝrǝu male aɓalǝ agir kat ka kǝ kpa ɗang.

1 Amǝ Korinti 16:16

wu okia aɓwana kǝla amǝnia, andǝ koya ɓwa na mǝnana kǝ pak turo, sǝ kǝ pa rǝcandǝa aɓa kpapi ata turo ka.

2 Amǝ Korinti 10:15

Sǝ sǝm yàl nzong gbal nǝ nggori nǝ turo mǝnana aɓea ɓwana pè ka ɗang. Tsǝkɓalǝu ma'sǝm ngga, nda mǝnana ama ɓǝ̀ paɓamuru ma'wun gulo, ace mǝnana nzong turo ma'sǝm aban wun ngga, ɓǝ̀ turo a dǝmbǝa.

2 Amǝ Korinti 11:23

Mǝ nǝ na cau kǝla dǝmbam kwar ɗang: Ɓǝ̀ yia ka, à nda ka aguro mala Kǝrǝsti, ǝn ɓoaria wia aɓa pakki Kǝrǝsti turo mǝcande! Ən kum kùrban kusǝ pas ǝn kutia. Ən kum kwakban mǝnana à pà nǝ̀ gandǝ ɓallè raka. Ən api lú kusǝ pas.

2 Amǝ Korinti 4:1

Sǝ acemǝnana Ɓakuli, aɓa sǝn mǝsǝswatǝr male sǝ pà sǝm mǝnia yì turo mishan ngga, ɓabum sǝm pà nǝ̀ ɓunggi ɗang.

2 Amǝ Korinti 4:16

Ace mani ka, ɓabum sǝm ɓunggi ɗang. Ko ɓǝ̀ do ama nggurǝ sǝm mǝnana à kǝ sǝni nǝ mǝsǝu, nda ban ká kìɗìkì ka, bangŋo ma'sǝm ngga kǝ duk bǝshe a koya pwari.

2 Amǝ Korinti 5:9

Sǝ ado ka, tsǝkdǝmbǝu ma'sǝm ngga, nda mǝnana ɓǝ̀ sǝm pwasǝ bumi, ko sǝm ndakani aɓa mǝnia yì nggūrǝu, ko sǝm purini ɓalǝi.

2 Amǝ Korinti 6:5

À walki sǝm, à ramta sǝm a ndàkurban, aɓwabunda lo arǝ sǝm aɓa bumlulla; sǝm pak turo aɓa aulǝa, sǝm dum nǝ gandǝrǝu aɓa ɗwanyi ntulo andǝ nzala.

Amǝ Galati 6:2

Wu bwalia rǝ wun aɓa tanni; anggo ka, sǝ wu nǝ̀ lumsǝ nggurcau mala Kǝrǝsti.

Amǝ Galati 6:9

Ace mani ka, ɓǝ̀ sǝm ngga aulǝ nǝ pak gir mǝnana mǝɓoarne na ka ɗang. Ɓǝ̀ pwari yi karǝna ka, sǝm nǝ̀ ngga kum tangnakusǝu mǝɓafoe, yì mǝnana ɓǝ̀ aulǝa pa ka sǝm, sǝm bwaki bu sǝm raka.

Amǝ Filipi 2:16

Sǝ aɓa doe anggo ɓǝ̀ wu kǝ bwal kàngkàng arǝ cau mǝnana pākiyi yilǝmu ka. Ɓǝ̀ wu kǝ pa anggo ka, a pwari mǝnana Kǝrǝsti nǝ̀ nyar nǝi ka, mǝ nǝ nggori nǝ wun, sǝ mǝ nǝ sǝlǝ gbal ama turo mem andǝ ɓariki mem ngga, à pà ɓà ɗang.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

Amǝ Kolosi 1:11

Sǝm nggǝ pak hiwi ɗǝm ama ɓǝ̀ kusǝ wun ɓǝ̀ candǝ aɓa rǝcandǝa mala gulo male mǝnana karban kat ka. Anggo sǝ wu nǝ̀ kum gandǝrǝu aɓalǝ agirbunda kat nǝ munyi, sǝ wu nǝ̀ lumsǝ nǝ banɓoarnado.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

1 Amǝ Tasalonika 2:9

Wun amǝ'eamrǝarǝu, ɓalǝ wun kasǝa arǝ nggea turo mǝcande mǝnana sǝm pe kǝrkǝr aɓalǝ wun ngga re? Du andǝ pwari, sǝm pak turo ace mǝnana ɓǝ̀ sǝm ngga duk twalo amur kǝɓwa ata wun, yi mǝnana sǝm ndarǝ hamnǝ Cau Amsǝban mala Ɓakuli aban wun ngga ɗang.

1 Amǝ Tasalonika 5:12

Wun amǝ'eamrǝarǝu, sǝm nggǝ zǝmbǝa wun, wu kǝ pea aɓwana mǝnana à kǝ pak turo aɓalǝ wun ngga gulo, yia mǝnana à ndaka aɓwana-mǝgule amur wun andǝ amǝ'kwarkir wun aɓa dotarǝu ma'wun wunǝa Mǝtalabangŋo ka.

2 Amǝ Tasalonika 3:13

Sǝ wun, amǝ'eambǝam ngga, wu kǝa aulǝ nǝ pe mǝɓoarne ɗang.

2 Amǝ Tasalonika 3:5

Ən nggǝ zǝmbǝa ɓǝ̀ Mǝtalabangŋo kyan nǝ ɓabum wun arǝ lǝmndǝ earcearǝu ulang mala Ɓakuli, andǝ do gandǝrǝu mana Kǝrǝsti kǝ pâ ka.

2 Amǝ Tasalonika 3:8

Sǝm li girlina mala kǝɓwa sǝ sǝm ginǝ mbwe gir akuni ɗang. Sǝm pak turo nǝ rǝcandǝa ma'sǝm du andǝ pwari, ace mǝnana ɓǝ̀ sǝm ngga duk twalo amur kǝɓwa ɗang.

1 Timoti 4:10

Nda gir mǝnana tsǝa sǝ sǝm nggǝ pak turo kǝrkǝr, sǝm nggǝ lidǝmbǝa nǝ ɓariki, acemǝnana tsǝkɓalǝu ma'sǝm ngga, nda amur Ɓakuli mǝyilǝmuì, yì Mǝ'amsǝban mala aɓwana kat, nggeamurǝmi ka aɓwana mǝnana à paɓamuria abani ka.

1 Timoti 5:17

Aɓwana-mǝgule mala ikǝlisiya mǝnana à kǝ pak turo malea pepe ka, ɓǝa kǝ pea wia gulo, ɓǝa kǝ mbwea pepe, nggeamurǝmi ka aɓwana mǝnana à kǝ pak turo kǝrkǝr aɓa hamnǝ cau andǝ kanigir ka.

Amǝ Ibǝru 10:36

Ɓoaro wu dum nǝ munyi, ace mǝnana ɓǝ̀ wu lumsǝna kun kànì mala Ɓakuli ka, wu nǝ̀ kum gir mǝnana na ama nǝ̀ pak ka.

Amǝ Ibǝru 12:1

Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.

Amǝ Ibǝru 13:13

Ace mani ka, ɓǝ̀ sǝm puro abani anzǝm agumli, ace mǝnana ɓǝ̀ sǝm kya twal mǝno yì gir kǝsǝkya mǝnana yiu amuri ka.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Amǝ Ibǝru 6:12

Sǝm earce ama ɓǝ̀ wu duk amǝnkundǝr ɗang. Sǝm ama, wu sǝn arǝ aɓwana mǝnana ace paɓamuru andǝ munyi malea ka, à yì kum gir mǝnana Ɓakuli na ce nǝ̀ pà ka.

Amǝ Ibǝru 6:15

Sǝ acemǝnana Ibǝrayim pak munyi, kundǝ ka, yi kum gir mǝnana Ɓakuli ne wi ama nǝ̀ pe wi ka.

2 Bitǝrus 1:6

surǝgir ka wu gbashite nǝ bwalrǝu; bwalrǝu ka wu gbashite nǝ gandǝrǝu; gandǝrǝu ka wu gbashite nǝ do ɓanggi Ɓakuli.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.