Sǝna 2:19 - Maləmce Məfele mala Ɓakuli: Kurcau Məbəshe

¹⁹ Ən surǝ aturo mo. Ən sǝna earcearǝu mo, andǝ paɓamuru mo abanam, andǝ turoperi mo, andǝ munyi mo aɓa gandǝrǝu. Sǝ ǝn sǝna lidǝmbǝa mo aɓalǝ amǝnia yì agir kat ka.

Sǝna 2:19 ပူးပေါင်းရင်းမြစ်များ

Luka 1:23

Lang anonggeo mala turo mala Zakariya malǝna ka, pǝlǝa nyare a ɓala.

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Amǝ Kolosi 3:14

Sǝ mǝnana kàrmuria kat ka nda, wu lumsǝ nǝ earcearǝu, acemǝnana earcearǝu na kùr komana kat ka a rǝarǝia aɓa lumsǝo mala dotarǝu mǝɓoarne.

1 Amǝ Tasalonika 3:6

Sǝ a dyan ngga, Timoti nyarǝna yina aban sǝm. Yi bangŋǝna sǝm cau mǝɓoarne mala paɓamuru ma'wun aban Ɓakuli andǝ earcearǝu ma'wun. Ɗǝm ngga, bangga sǝm ama wu kǝ ɗenyi nǝ do mǝɓoarne ma'sǝm sǝnǝa wun, wu kǝ pak nzal sǝn sǝm, kǝla mǝnana ado, sǝm nggǝ pak nzal sǝn wun ngga.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

1 Timoti 1:5

Tǝr mǝnia yì nzongcau ka nda mǝnana ama, amǝ kpata Ɓakuli kat ka, à nǝ̀ lumsǝ nǝ earcearǝu mǝnana purkiyi a ɓabum mǝɓoarnsari, andǝ ɗenyicau mǝɓoarne, andǝ paɓamuru mǝ'mǝsǝcau nì ka.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

2 Bitǝrus 1:7

Sǝ do ɓanggi Ɓakuli ka wu gbashite nǝ ɗenyi nǝ aɓwana kǝla amǝ'eamrǝarǝu andǝ lǝmndǝ earcearǝu aban koyan ngga.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 2:9

Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.