Sǝna 2:13 - Maləmce Məfele mala Ɓakuli: Kurcau Məbəshe

¹³ Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 2:13 ပူးပေါင်းရင်းမြစ်များ

Matiu 10:23

Ɓǝa pà wun tanni a ɓe la ka, wu ɓangŋa wu kya ɓe. Ən nggǝ na wun mǝsǝcau kaniama wu nǝ̀ mal gya arǝ ala mala amǝ Isǝrayila kat ka, Muna mala Ɓwa nyarǝna yina.

Matiu 24:9

À nǝ̀ yia bwalki wun, à nǝ̀ ká nǝ wun aban aɓwana mǝnana à nǝ̀ pa wun tanni sǝ à nǝ̀ wal lú wun ngga. Aɓwana arǝ anzali kat à nǝ̀ ɓinǝ mǝsǝ wun acemǝnana wu ndaka amǝ kpatam ngga.

Matiu 4:10

Yesu ne wi ama, “Shetan, upi banam! Malǝmce mala Ɓakuli ka na ama, “ ‘Peri aban Mǝtalabangŋo Ɓakuli mo, Kǝ yì mwashat ɓǝrɓǝr na a nǝ kpate ka.’ ”

Luka 21:17

Aɓwana kat nǝ̀ ɓinǝmǝsǝ wun acemǝnana wu ndaka amǝkpatam ngga.

Amǝ Mishan 22:20

Sǝ a pwari mǝnana à wal-lú mǝ'nakuno yì Itǝfanu ka, ǝn ear nǝ mǝno yì wal-lú ka pepe. Mǝ nda kam aban came ǝn nggǝ tsǝkir anggea-daura mala aɓwana mǝnana à ɓukki à wali wu ka.”

Amǝ Mishan 9:14

Sǝni ado, yiu male mana akani ka, agbani pǝris nǝ pe wi rǝcandǝa ɓǝ̀ yi bwalki aɓwana kat mana à kǝ̀ peri abano ka.”

1 Amǝ Tasalonika 5:21

Wu karǝki agir kat, wu pelǝkia pepe; wu bwal mǝnana mǝɓoarne na ka.

1 Timoti 5:8

Sǝ ko ɓǝ̀ ya ɓwa na kat mǝnana kǝ tsǝk kir aɓǝla male, nggeamurǝmi ka amǝɓala male raka, man yì ɓwa ka pangŋǝna ce paɓamuru male ɓa, yale ɓwa mǝnana surǝ Ɓakuli raka, ɓoari wi.

2 Timoti 1:13

Bwal kanigir mǝɓafoe mǝnana a kanì abanam ngga, ɓǝ̀ dupo girkani mǝnana a nǝ kpate ka, sǝ pè aɓa paɓamuru andǝ earcearǝu mǝnana ndakam aɓa Kǝrǝsti Yesu ka.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

Amǝ Ibǝru 10:23

Ɓǝ̀ sǝm bwal kàngkàng arǝ tsǝkɓalǝu ma'sǝm mǝnana sǝm nggǝ bangce ka, acemǝnana Ɓakuli mǝnana pàcau aban sǝm ngga, à nǝ̀ gandǝ guli a rǝì ama kǝ nggaɗi kuni ɗang.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Jemis 2:7

À ndaka kǝ aɓwana mǝnana à kǝ na mǝɓane amur lullǝu mǝɓoarne mala Yesu Kǝrǝsti mǝnana à tunǝkina wun nǝi ka re?

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 11:3

Sǝ mǝ nǝ pè amǝnakun mem ɓari rǝcandǝa, à nǝ̀ twal anonggeo mǝno á-mwashat nǝ gbǝman-ɓari nǝ́ lumi-tongno-nong-mwashat ka, à nǝ̀ nggǝ hamnǝ cau mala Ɓakuli, nǝ́ anggurbyau gwado a rǝia.”

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 13:2

Mǝnia yì nyamɓikea ǝn sǝni ka, nda kǝla mǝmburi. Akusǝi na kǝla akusǝ nyamɓabondo mǝnana à tunǝki ama biya, sǝ kuni na kǝla kun im. Dǝragon nyesǝ rǝcandǝa male, andǝ bunomurǝm male, andǝ garamurǝm male pe wi.

Sǝna 14:12

Mǝnia ka kwarkiru na ace aɓwana amǝ'mǝsǝcau nì mala Ɓakuli, yia mǝnana à kǝ kpata anzongcau mala Ɓakuli, sǝ à dum nǝ mǝsǝcau aban Yesu ka, ɓǝa cam kàngkàng nǝ gandǝrǝu.

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 17:6

Ən sǝni ka, mɓwame na aɓa wal-wale nǝ nkila mala aɓwana mala Ɓakuli, andǝ nkila mala aɓwana mǝnana à dum nǝ mǝsǝcau arǝ nakun Yesu ka. Lang ǝn sǝni ka, gir nî pam ndali kǝrkǝr.

Sǝna 2:2

Ən surǝna rǝ aturo mo, andǝ mǝsǝkang-kangŋa mo arǝ turo, andǝ munyi mo aɓa tanni. Ən sǝlǝna ama we ka, a kǝ earnǝ aɓwana amǝ'ɓealɓikea ɗang. Aɓwana mǝnana à bangŋa ama à ndaka amǝ'mishan, sǝ nda raka, a mwamngginia, sǝ a kumia ka amǝnyir na.

Sǝna 3:11

Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.