Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sǝna 2:10 - Maləmce Məfele mala Ɓakuli: Kurcau Məbəshe

10 Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

အခန်းကိုကြည့်ပါ။ ကော်ပီ




Sǝna 2:10
36 ပူးပေါင်းရင်းမြစ်များ  

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.


Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.


sǝa ma ɓwa mǝnana cam kàngkàng aɓa paɓamuru aban ká masǝlǝate ka, nǝ̀ auwa.


Ɓwapǝndǝa kat nǝ̀ ɓinǝmǝsǝ wun acemǝnana wu ndaka amǝ kpatam ngga, sǝ ɓwa mana shak minǝì kàngkàng, aɓa guli a rǝam aban ká a masǝlǝate ka, ɓwe nǝ̀ auwa.


Acemǝnana ɓwa mana kǝ earce amsǝ yilǝmi ka, nǝ̀ ɗwanyi banì, sǝ ɓwa mǝnana turta yilǝmi acem andǝ ce Cau Amsǝban ngga, nǝ̀ kumi.


Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.


Ɓwa mǝnana kat kǝ earce yilǝmi ka, nǝ̀ ɗwanyibanì, sǝ ɓwa mǝnana ginǝki yilǝmi a man yì ɓanza ka, nǝ̀ kum yilǝmu mǝnana málá male pà kàm raka.


Yesu andǝ alaggana male ka à nda ban lí nǝ pwarikpǝra. Shetan angŋa dǝmbǝa tsǝngŋǝna ɗenyicau mala mak Yesu a ɓabum Yahuda Iskariyoti muna mala Shiman.


Lang Yahuda ak nɗǝmo she ka, kara Shetan kutia rǝì. Sǝ Yesu ne wi ama, “Lo tsuk-tsuk, kya pak gir mǝnana a nǝ pak ka.”


Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.


Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”


Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.


Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.


Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.


Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.


Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.


Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.


Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.


Mǝnia yì nyamɓikea ǝn sǝni ka, nda kǝla mǝmburi. Akusǝi na kǝla akusǝ nyamɓabondo mǝnana à tunǝki ama biya, sǝ kuni na kǝla kun im. Dǝragon nyesǝ rǝcandǝa male, andǝ bunomurǝm male, andǝ garamurǝm male pe wi.


À nyinggi wi njar ɓǝ̀ lwa'lwa arǝ aɓwana mǝfele mala Ɓakuli, sǝ ɓǝ̀ limurǝm amuria. Sǝ à pe wi rǝcandǝa amur koya tau, andǝ kun, andǝ aɓwapǝndǝa, andǝ nzali.


Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”


Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.


Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ