Sǝna 2:1 - Maləmce Məfele mala Ɓakuli: Kurcau Məbəshe

¹ Gilǝî mǝturonjar mala ikǝlisiya, mǝnana a Afisu ka, ama: Mǝnia ka nda cautera mǝnana pur nǝban Yì ɓwa mǝnana bwal anlero tongno-nong-ɓari a bui-mǝli, sǝ kǝ gya aɓalǝ agir tamsǝ pitǝla zǝnariya tongno-nong-ɓari ka.

Sǝna 2:1 ပူးပေါင်းရင်းမြစ်များ

Matiu 18:20

Ɓǝ̀ aya ban sǝ aɓwana ɓari ko tārú kpapi aɓa lullǝam ngga, Mǝ nda aɓalǝia.

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Yohana 5:35

Yohana ka nda kǝla pitǝla mana kǝ earke sǝ kǝ ta ka, sǝ wun ngga wu eare wu nǝ̀ pak banɓoarnado zuku arǝ tǎlaban male.

Amǝ Mishan 18:19

Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi.

Amǝ Mishan 18:21

Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.

Amǝ Mishan 19:1

Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu,

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

Sǝna 1:16

Bwal anlero tongno-nong-ɓari a bui-mǝli, sǝ nggeabyau mǝnana nǝ akuni mǝceauwe ɓari ka, pur a ɓakuni. Ɓamǝsǝi kǝ tànzama kǝla ta mala pwari aɓa zǝkia male.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 12:1

Pǝlǝa ɓe nggea gir'lǝmndǝa mǝ'pa ndali pusǝrǝi a kuli. Ɓe mɓwama na oasǝ pwari a rǝì nda agir-nggurǝu male, sǝ tamsǝ akusǝi amur zongŋo. À oasǝi wi jeko a ɓamuri mǝnana nǝ anlero lum-nong-ɓari a rǝì ka.

Sǝna 2:12

Gilǝî mǝturonjar mala ikǝlisiya mǝnana a Pargamu ka ama: Mǝnia ka nda cautera mǝnana pur nǝban Yì ɓwa mǝnana ndanǝ nggeabyau mǝceauwe mana akuni na ɓari ka.

Sǝna 2:18

Gilǝî mǝturonjar mala ikǝlisiya mǝnana a Tiyatǝra ka ama: Mǝnia ka nda cautera mǝnana pur nǝban Muna mala Ɓakuli ka. Yì nda ɓwa mana amǝsǝì kǝ earke kǝla lasǝ bǝsa, sǝ akusǝi kǝ ta gǝraɗau kǝla bolo mǝbangŋe mǝnana à kolǝi ka.

Sǝna 2:8

Gilǝî mǝturonjar mala ikǝlisiya mǝnana a Sǝmirna ka ama: Mǝnia ka nda cautera mǝnana pur nǝban Yì ɓwa mǝnana nda Mǝdǝmbe andǝ Masǝlǝate, mǝnana wǔ sǝ lo nǝ yilǝmu ɗǝm ngga.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.