Sǝna 19:7 - Maləmce Məfele mala Ɓakuli: Kurcau Məbəshe

⁷ Ɓǝ̀ sǝm pak banɓoarnado andǝ pakiɗire, sǝ ɓǝ̀ sǝm pe wi gulo. Pwari isǝban mala Mǝgam yina, sǝ Manfela male ka, gilǝkina rǝì.

Sǝna 19:7 ပူးပေါင်းရင်းမြစ်များ

Matiu 1:20

Lang nda mur mǝnia yì ɗenyicau ka, mǝturonjar mala Mǝtalabangŋo yi pusǝrǝi abani a lorǝo. Mǝturonjar banggi wi ama, “Yisǝfu Mǝkà Dauda, ɓangciu ɓǝ̀ kǝa pakko arǝ twal Maryamu ɓǝ̀ duk mamo ɗang. Acemǝnana muna mana a bumi ka pě mala Bangŋo Mǝfele na.

Matiu 22:2

Domurǝm mala Ɓakuli ka à nǝ̀ kànì arǝ pakiɗire mana ɓe murǝm tunǝo ace isǝ mālá muni ka.

Luka 12:36

Kǝla aɓwana mǝnana à kǝ kundǝmur mǝtala-ɓala malea ɓǝ̀ nyari ban isǝban ngga. Acemǝnana ɓǝ̀ nyarǝna sǝ yi walkina kunɓala ka, à nǝ̀ lo a kaurǝa, à nǝ̀ mǝnmbi wi.

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

2 Amǝ Korinti 11:2

Mǝ ndanǝ mɓali amur wun, ulang mɓali mala Ɓakuli, acemǝnana, ǝn pana wun kǝla nsari ace alban aban ɓwabura mwashat, yì Kǝrǝsti nǝ ɓamuri.

Amǝ Afisu 5:23

Acemǝnana ɓwabura ka, nda mur mami, kǝla mǝnana Kǝrǝsti ka, nda mur ikǝlisiya, yia amǝkpate, sǝ à nda ka nggūrǝì, yì mǝnana nda Mǝ'amsǝia ka.

Amǝ Afisu 5:32

Mǝnia ka, nggea gir sǝmbǝrǝa mǝgule na, mǝnana à pusǝ ɓālǝi aban aɓwana ɗiɗyal raka, sǝa ma mǝ ndarǝ bangŋa ama, mǝnia yì cau ka, à nda rǝ kani arǝ Kǝrǝsti andǝ ikǝlisiya.

Amǝ Filipi 3:3

Sǝm mǝnana sǝm nggǝ peri aban Ɓakuli aɓa Bangŋo ka, sǝm ndaka aɓwana mǝnana à kasǝa sǝm ɓatau aɓa mǝsǝcau ka. Sǝm ngga, sǝm nggǝ nggori nǝ Kǝrǝsti Yesu, sǝm guli arǝ agir mǝnana à pe aɓa nggūrǝu ka ɗang,

Sǝna 11:13

Aɓa kǝ bu-pwari mǝno ka, nggea dǝurǝo mala nzali mǝkǝrkǝr nì kumban, mǝnana kiɗiki banì mwashat aɓa gauwe lum mala nggeala, sǝ wal ɓwapǝndǝa á-tongno-nong-ɓari ka. Cili ɓwapǝndǝa ka, ɓangciu pakkia wia kǝrkǝr sǝ à ɓwangsǝ gulo mala Ɓakuli mǝnana a kuli ka.

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 21:2

Sǝ ǝn sǝn Nggeala Mǝfele, yì bǝsa Urǝshalima. Ən sǝni puro aban Ɓakuli a kuli, sǝ kǝ sulǝo aban yiu. À gilǝkini pepe kǝla manfela mǝnana à gilǝkì wi rǝì aɓa ɓoarnsari ace ká aban burri ka.

Sǝna 21:9

Mwashat ata amǝturonjar mala Ɓakuli, yia mǝno tongno-nong-ɓari, mǝnana à bwal atasau mana à lumsǝkia nǝ masǝlǝata agir yinǝ tanni twal la ka, yiu abanam. Nam ama, “Yiu, mǝ nǝ lǝmndǝo Mālá Mǝgam, yì Manfela male.”