Sǝna 19:14 - Maləmce Məfele mala Ɓakuli: Kurcau Məbəshe

¹⁴ Amǝ'lwa mala kuli, mǝnana à tur adaura pwasǝa mala nggurbyau linen a rǝia ka, à puro anzǝm apǝr mǝpwasǝke, sǝ à kǝ yiu ate.

Sǝna 19:14 ပူးပေါင်းရင်းမြစ်များ

Matiu 21:5

“Wu ne amǝ Urǝshalima ama, Wu sǝni, murǝm ma'wun nia kǝ yiu aban wun ngga! Yì ka, mǝ'nwangsǝ-muru na, kǝ yiu a nzǝm mǝndambǝritso. A nzǝm muna mǝndambǝritso sǝ kǝ gya.”

Matiu 26:53

Wu kǝ sǝni kǝla pà mǝ nǝ gandǝ zǝmbǝi Tárram, sǝ nǝ̀ tasǝam amǝturonjar pas àkǝ̀ dyadyan à nǝ̀ yia munǝo acem re?

Matiu 28:3

Rǝi kǝ ta gbǝang kǝla linzama mala mbulo; anggurbyau male pwasǝ pwapwat kǝla buke.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

Yahuda 1:14

Sǝ Inok, mǝnana nda tongno-nong-ɓaria kau, twal a ɓǝlban mala Adamu ka, ɓangnǝ-ɓangna amur a'ulang amǝnia yia aɓwana ka. Bangŋa ama: “Wu sǝni, Mǝtalabangŋo nia kǝ yiu andǝ amǝturonjar male amǝfele mǝnana à pà nǝ̀ gandǝ ɓalǝia raka,

Sǝna 14:1

Lang ǝn soa mǝsǝam ngga, ǝn sǝn Mǝgam aban came amur Nkono Siyona andǝ aɓwana á-gbǝman mwashat nǝ á-lumi-ine bwamdǝ ine [144,000] ate, aɓwana mǝnana à gilǝnia wia lullǝi andǝ lullǝ Tarrí a kundǝmbǝia ka.

Sǝna 14:20

À parki amǝno yì aɓǝla nggun-anap ka aɓa yì tūli ɓa nggea tali kamnggigir, mǝnana nda anzǝm la ka. Nkila ɓun aɓa tulî aban solǝo, kǝ ɓangŋa kǝla mur nggeasala, o kya bik kilomita gbǝman tārú, sǝ lime male ka nǝ̀ kongsǝ ɓamúr pǝ̀r mǝnana cam nǝ came ka.

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 19:11

Pǝlǝa ǝn sǝn kuli mǝna, sǝ ǝn sǝn pǝ̀r mǝpwasǝe aban came kam. Ɓwa mǝnana do a nzǝmi kwakiyi ka, lullǝi nda Mǝ'mǝsǝcaunì andǝ Mǝɓafoe. Aɓa ɓashiki aɓashi male andǝ munǝki amunǝo male ka, kǝ kpata agir kat a nzongŋi.

Sǝna 19:8

À pani wi nggurbyau linen mǝɓoarne, mǝpwasǝe pwapwat, ɓǝ̀ oasǝ a rǝì.” Nggurbyau linen mǝɓoarne ka, nda cam a kúnì aturo mǝɓoarne mala aɓwana mala Ɓakuli ka.

Sǝna 3:4

Akana a Sardis she ka aɓwana nakam bǝti mǝnana à pǝndǝki adaura malea nǝ cauɓikea raka. Mǝ nǝ ging sǝnǝia aɓalǝ adaura pwasǝa, acemǝnana yia ka à karǝna.

Sǝna 4:4

Aɓea abuno-murǝm lumi-ɓari-nong-ine gumbǝli mǝnia yì bunomurǝm ngga a ɓalǝu, nǝ aɓwana-mǝgule lumi-ɓari-nong-ine aban do amuria. À oasǝ adaura pwasǝa a rǝia andǝ ambulan zǝnariya a ɓamuria.

Sǝna 7:9

Anzǝm mǝnia ka ǝn sǝn nggea rambǝa mala ɓwabunda kǝrkǝr, mǝnana kǝɓwa pà nǝ̀ gandǝ ɓalǝia raka. À pur arǝa koya nzali, andǝ akûn, andǝ aɓwana mala atau ɗàngɗáng, andǝ alasǝu, sǝ à came a ɓadǝm bunomurǝm andǝ ɓadǝm Mǝgam. À oasǝ anggea-daura pwasǝa a rǝia sǝ à bwal ambu nkangga a buia.