Sǝna 19:10 - Maləmce Məfele mala Ɓakuli: Kurcau Məbəshe

¹⁰ Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 19:10 ပူးပေါင်းရင်းမြစ်များ

Matiu 4:10

Yesu ne wi ama, “Shetan, upi banam! Malǝmce mala Ɓakuli ka na ama, “ ‘Peri aban Mǝtalabangŋo Ɓakuli mo, Kǝ yì mwashat ɓǝrɓǝr na a nǝ kpate ka.’ ”

Markus 5:22

Ɓe ɓwamǝgule mala ndakpapi, lullǝi ama Jarus, yiu abani. Nǝ̀ yia sǝn Yesu ka, pǝlǝa kpa a ɓadǝmbǝi,

Markus 7:25

Sau ɗang, ɓe mɓwama na kam mǝnana muni muna-ɓwama ka ndanǝ kukwar mǝɓike a ɓa'nyami ka, ok ce Yesu, kara yiu yi kpa a ɓadǝmbǝi.

Luka 1:19

Mǝturonjar eari wi ama, “Mǝ nda Jibǝrayilu mǝnana camnggiyi a ɓadǝm Ɓakuli ka. Ɓakuli tasǝam ɓǝ̀ ǝn yi banggo mǝnia yì cau mǝɓoarne ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 5:39

Wu kǝ ɓalla andǝ mǝnggi ɓa Malǝmce, acemǝnana wu kǝ sǝni kǝla a ɓalǝi sǝ wu nǝ̀ kum yilǝmu mǝnana málá male pà kàm raka, sǝ aman yì acau wu ɓalkiyi ka, mǝ nda à nakiyi cau a muram ngga.

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

2 Amǝ Korinti 8:7

Wun ngga wu nda dǝmbǝa aɓa koya gir ka. Wu nda dǝmbǝa aɓa paɓamuru, andǝ sǝlǝ nacau, andǝ surǝgir, andǝ rǝɓǝla arǝ turo, sǝ earcearǝu ma'wun ace sǝm. Anggo sǝ ǝn nggǝ earce ɓǝ̀ wu pa a dǝmbǝa gbal aɓa mǝnia yì ɓwamuru wu ndanǝi mala pabu ka.

Amǝ Afisu 5:15

Ace mani ka, wu tsǝk kir wun arǝ do ma'wun, wu kǝa dukdo mala aɓwazala ɗang, wu dukdo mala amǝkwaro.

Amǝ Afisu 5:33

Kat andǝ amani ka, koya ɓwabura ka, dumǝni wi pup ɓǝ̀ earce mami kǝla mǝnana kǝ earce ɓamuri ka, sǝ mɓwama gbal ka, dumǝni wi pup ɓǝ̀ pe burri gulo.

Amǝ Filipi 3:3

Sǝm mǝnana sǝm nggǝ peri aban Ɓakuli aɓa Bangŋo ka, sǝm ndaka aɓwana mǝnana à kasǝa sǝm ɓatau aɓa mǝsǝcau ka. Sǝm ngga, sǝm nggǝ nggori nǝ Kǝrǝsti Yesu, sǝm guli arǝ agir mǝnana à pe aɓa nggūrǝu ka ɗang,

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.

1 Yohana 5:21

Wun amunem, wu ɓanggi gir mǝnana kat nǝ̀ ak bancame mala Ɓakuli a ɓabum wun ngga.

Sǝna 1:1

Mǝnia ka nda sǝngir aɓa bangŋo nǝ bu Yesu Kǝrǝsti mǝnana Ɓakuli pe wi acemǝnana ɓǝ̀ lǝmndǝì aguro male agir mǝnana duk púp à nǝ̀ yia kutio, banì pà nǝ̀ sau raka. Yesu túr mǝturonjar male ɓǝ̀ yì mǝnggi mǝnia yì girsǝna aɓa bangŋo ka aban guro male, Yohana.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 12:17

Gir mǝnia ka pe Dǝragon bumlulla kǝrkǝr arǝ mɓwama man. Nda nyare o nǝ̀ ká munǝo arǝ cili amuna mala mɓwame, yia aɓwana kat mǝnana à kǝ kpata anzongcau mala Ɓakuli, sǝ à duk amǝ nakun Yesu nǝ mǝsǝcau ka.

Sǝna 14:7

Pǝlǝa loasǝ gi kpǝm hama ama, “Wu ɓanggi Ɓakuli, sǝ wu pe wi gulo! Acemǝnana pwari ɓashi male yina. Wu peri abaní, yì mǝnana pusǝ kuli, andǝ nzali, andǝ nggeamur, andǝ amgbeaɗe-mur ka.”

Sǝna 15:4

Yana ɓwe na pà nǝ̀ ɓanggo raka? Yana ɓwe na nǝ̀ ginǝ pe lullǝo gulo, We Mǝtalabangŋo? We nǝmurǝo ɓǝrɓǝr, a nda Mǝfele. Aɓwana arǝ anzali kat, à nǝ̀ yia peri a ɓadǝmbǝo, acemǝnana aturo ɓealɓoarna mo ka, à pusǝna rǝia.”

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 4:10

Aɓa mǝno anggo ka aɓwana-mǝgule lumi-ɓari-nong-ine gbal ka, à nǝ̀ kpa a nzali a ɓadǝm ɓwa mǝnana do amur bunomurǝm ngga. À nǝ̀ peri abani, yì ɓwa mana ndanǝ yilǝmu mana málá male pà kàm raka. Lang ɓǝ̀ à nda aɓa peri anggo ka, à nǝ̀ nongsǝ ambulan-murǝm malea a ɓadǝm bunomurǝm nì sǝ à nǝ̀ bangŋa ama: