Sǝna 18:3 - Maləmce Məfele mala Ɓakuli: Kurcau Məbəshe

³ Aɓwana arǝ anzali kat, à nuna mùr-anap mala nshawari, andǝ kìɗìkì mala nonggi nǝ rǝarǝu male, sǝ walǝnia. Amurǝma mala ɓanza nonggina nǝi. Ace ɓiki earce do male aɓa banɓoarnado mala kume ka, tsǝngŋǝna amǝ nggaliki mala ɓanza à pǝlǝna amǝ gǝna.”

Sǝna 18:3 ပူးပေါင်းရင်းမြစ်များ

Luka 7:25

Sǝ ɓǝ̀ nda raka, mana wu waria sǝne? Ɓe ɓwa na mǝnana makki adaura mǝɓoarne a rǝì ka le? Awo! Aɓwana mǝnana à makkiyi adaura mǝɓoarne sǝ à nda aɓa banɓoarna mala kume ka, à nda malea a palta.

1 Timoti 5:11

Aman-lú mǝnana alo-ɓwa na ka, ɓǝa kǝa oasǝ lullǝia ɗang, acemǝnana nzal dolabura nǝ̀ tsǝa à pà nǝ̀ gandǝ do anggo nǝmurǝia aban pakki Kǝrǝsti turo ɗang, à nǝ̀ nyare à nǝ̀ dukɓala ɗǝm.

Sǝna 14:8

Pǝlǝa ɓaria mǝturonjar kpata mǝno sǝ kǝ na ama, “Nggeala mǝgule Babila ka kpana, yì mɓwama mǝnana tsǝk aɓwana arǝ anzali ɓanza à nu mùr-anap mala npel mala kìɗìkì nongginǝ rǝarǝu male ka.”

Sǝna 17:2

Amurǝma mala ɓanza pak cauɓikea nongginǝban andǝi, sǝ aɓwana mǝnana à nda ka amǝɓanza man ngga, à ɓosǝkinia à nuna mùr-anap mala cauɓikea male mala nongginǝ-rǝarǝu kǝrkǝr, gandǝa à wal-wale.”

Sǝna 18:19

À pwan tú sǝ à soe amuria, sǝ à mak zwalo aban ɓua andǝ keban ama: “ ‘Cau kwanban! Cau kwanban nǝ nggeala mǝgule, ban mǝnana amǝtala awarubǝsa mǝnana à kǝ gya a nggeamur, pǝlǝ amǝkume kam ngga. Aɓa bu-pwari mwashat, kara à kiɗikini.

Sǝna 18:23

Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.

Sǝna 18:7

Sokkite ɓǝ̀ tapi aɓa tanni andǝ bumkiɗikea kǝla mǝnana pe ɓamuri gulo andǝ do mǝɓoarne aɓa rǝpwala ka. Kǝ jali a ɓabumi ama, ‘Mǝ nda mamurǝm; mǝ nda man-lú ɗang. Kǝ gir pà kàm nǝ̀ ciem mǝ nǝ pak bumkiɗikea ɗang.’

Sǝna 18:9

“Amurǝma mala ɓanza mǝnana à kutio aɓa kìɗìkì mala nonggi nǝ rǝarǝu andǝ yi, sǝ à do aɓa banɓoarnado andǝ li mǝɓoarne ate ka, à nǝ̀ ɓua, sǝ à nǝ̀ keban amuri, ɓǝa sǝnǝna yele mala bǝsa mǝnana kǝ pisǝì ka.