Sǝna 18:23 - Maləmce Məfele mala Ɓakuli: Kurcau Məbəshe

²³ Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.

Sǝna 18:23 ပူးပေါင်းရင်းမြစ်များ

Amǝ Mishan 8:11

Yia ka à nyesǝ ɗenyicau malea abani acemǝnana banì sauwuna, nda aban pea wia ndali nǝ kutan male.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 17:2

Amurǝma mala ɓanza pak cauɓikea nongginǝban andǝi, sǝ aɓwana mǝnana à nda ka amǝɓanza man ngga, à ɓosǝkinia à nuna mùr-anap mala cauɓikea male mala nongginǝ-rǝarǝu kǝrkǝr, gandǝa à wal-wale.”

Sǝna 17:5

Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 18:22

Agí ka zangŋan andǝ amǝnggyal, andǝ agí ka ntetu, andǝ anjawe ka, à pà nǝ̀ nyare à nǝ̀ oea ɗǝm a ɓalǝo ɗang. À pà nǝ̀ kum amǝturobu andǝ koya ulang turobu a ɓalǝo ɗǝm ɗang. À pà nǝ̀ nyare à nǝ̀ ok gi gogô nǝ taligo ɗǝm a ɓalǝo ɗang.

Sǝna 18:3

Aɓwana arǝ anzali kat, à nuna mùr-anap mala nshawari, andǝ kìɗìkì mala nonggi nǝ rǝarǝu male, sǝ walǝnia. Amurǝma mala ɓanza nonggina nǝi. Ace ɓiki earce do male aɓa banɓoarnado mala kume ka, tsǝngŋǝna amǝ nggaliki mala ɓanza à pǝlǝna amǝ gǝna.”

Sǝna 18:9

“Amurǝma mala ɓanza mǝnana à kutio aɓa kìɗìkì mala nonggi nǝ rǝarǝu andǝ yi, sǝ à do aɓa banɓoarnado andǝ li mǝɓoarne ate ka, à nǝ̀ ɓua, sǝ à nǝ̀ keban amuri, ɓǝa sǝnǝna yele mala bǝsa mǝnana kǝ pisǝì ka.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.

Sǝna 22:5

Dù pà nǝ̀ nyare nǝ̀ pak ɗǝm ɗang. À pà nǝ̀ earce pitǝla ko pwari ace pa tǎlaban ɗǝm ɗang, acemǝnana Mǝtalabangŋo Ɓakuli ka, nda tǎlaban, nǝ̀ tǎ amuria. Sǝ à nǝ̀ duk amurǝma masǝlǝate pà kàm ɗang.

Sǝna 6:15

Pǝlǝa amurǝma mala ɓanza, andǝ amǝ'yalmur aɓwana, andǝ amǝgulo mala asoje, à ɓangŋa, à kya sǝmbǝrǝa aɓalǝ agumi andǝ anre ka atali mala ankono. À kya sǝmbǝrǝa abanì ata rǝia andǝ amǝkume, andǝ aɓwana amǝcande, andǝ koya guro andǝ aɓwana à dukdo ɓamuria ka.

Sǝna 9:21

Sǝ ɗǝm ngga à ginǝ pwanzali à nǝ̀ pǝlǝ nzǝmia arǝ pakkiagir malea mala walki-alú, andǝ kpata agirmonzǝo, andǝ kìɗìkì mala nongginǝ rǝarǝu, andǝ iki'an'i.