Sǝna 18:21 - Maləmce Məfele mala Ɓakuli: Kurcau Məbəshe

²¹ Pǝlǝa ɓe mǝturonjar mǝcande imsǝ nggea tali mǝnana gulo male na kǝla nggea taligo mǝgule ka. Yi turi aɓa nggeamur sǝ na ama, “Kǝla mǝno ka, sǝ à nǝ̀ túr nggeala Babila aɓa nggeamur tsulǝm! Sǝ à pà nǝ̀ nyare à nǝ̀ sǝni ɗǝm ɗang.

Sǝna 18:21 ပူးပေါင်းရင်းမြစ်များ

Sǝna 10:1

Pǝlǝa ǝn sǝn ɓe kanggǝrangŋa mǝturonjar mala Ɓakuli pur nǝ kuli, kǝ sulǝo aban yiu. Pǝrɓang gumbǝli rǝì sǝ nparing kàrǝì muri. Ɓamǝsǝi tâ kǝla pwari, sǝ agarakusǝi na kǝla atanggea-nggun bǝsa.

Sǝna 12:8

Sǝ Dǝragon ngga munǝo gandǝi. Yì andǝ amǝturonjar male ka, à ɗwanyi bancame malea a kuli.

Sǝna 16:20

Ko ya luran ngga, ndǝrmi, sǝ ankono kat ka, à bǝbbǝri.

Sǝna 18:10

Nggea tanni male mǝgule nǝ̀ pea wia ɓangciu kǝrkǝr. À nǝ̀ cam kuko, sǝ à nǝ̀ keban amuri ama: “ ‘Caukwanban! Caukwanban nǝ we Babila, nggeala mǝgule, la murǝm! Aɓa bu-pwari mwashat ɓashi mala Ɓakuli yi sulǝna a muro!’

Sǝna 18:22

Agí ka zangŋan andǝ amǝnggyal, andǝ agí ka ntetu, andǝ anjawe ka, à pà nǝ̀ nyare à nǝ̀ oea ɗǝm a ɓalǝo ɗang. À pà nǝ̀ kum amǝturobu andǝ koya ulang turobu a ɓalǝo ɗǝm ɗang. À pà nǝ̀ nyare à nǝ̀ ok gi gogô nǝ taligo ɗǝm a ɓalǝo ɗang.

Sǝna 20:11

Sǝ ǝn sǝn nggea bunomurǝm mǝpwasǝe andǝ ɓwa mǝnana do amuri ka. Nzali andǝ kuli ɓanggi ɓadǝmbǝi, à o à kya ndǝrmikea, ko à nyare à sǝnia ɗǝm ɗang.

Sǝna 5:2

Sǝ ǝn sǝn ɓe nggea kanggǝrang mǝturonjar mala Ɓakuli came loasǝ gi bang-bang, aban hama ama, “Yana ɓwe kārǝa nǝ fasǝki amyang mǝnia à lanzǝkina kun mǝnia yì malǝmce nǝi ka, sǝ nǝ̀ panzǝi?”